Минзәләнең 4 санлы балалар бакчасында тәрбияләнүчеләр 25 килограмм иске батарейка җыйды

2021 елның 29 апреле, пәнҗешәмбе

(Минзәлә, Илшат Вагыйзов, “Минзәлә-информ”) Минзәлә шәһәренең 4 санлы “Гномик” балалар бакчасында тәрбияләнүче балалар 25 килограмм тузган батарейка җыйды.

- Ике ай дәвамында, ата-аналар ярдәмендә җыйдык искергән батарейкаларны. Балалар бакчасында табигатькә карата сакчыл караш формалаштыру буенча планлы эш алып барыла, - диделәр тәрбиячеләр Фәридә Галиева, Диана Исаева, Ландыш Шәйхетдинова.

Батарейкаларны “ТАТМЕДИА” АҖ “Минзәлә-информ” филиалының “Кырык тартма” халыкка хезмәт күрсәтү үзәгенә алып килделәр. Биредән алар киредән эшкәртүгә җибәреләчәк.

http://menzela.ru/news/ken-temasyi/minzlne-4-sanly-balalar-bakchasynda-trbiyalnchelr-25-kilogramm-iske-batareyka-yydy