Кече шәһәр, зур тарих

2021 елның 26 феврале, җомга

Минзәлә - Татарстан Республикасының иң борынгы шәһәрләренең берсе. Аның тамырлары тирәндә ята. Оренбург губерниясенең истәлек китабында Минзәләгә 1584 - 1586 елларда нигез салыну турында язма бар.

Дүрт гасырдан артык элек Ык һәм Минзәлә елгалары арасында урнашкан башкорт җирләренә воевода кенәз Одоевский җибәргән гаскәриләр килә.

Алар барлык таләпләргә туры килә торган Минзәлә елгасының биек яр буенда урын сайлыйлар.