"Умырзая" тернәкләндерү үзәге хәбәр итә

2020 елның 6 марты, җомга

Урамда әле кар катламы ятса да, календарьда инде яз… «Умырзая» Минзәлә мөмкинлекләре чикле балалар һәм яшүсмерләрне тернәкләндерү үзәгендә Халыкара Хатын-кызлар көненә багышланган бәйрәм нәкъ шундый  сүзләр белән башланып китте.

Чарага әзерлек күптән башланган иде: тәрбиячеләре белән берлектә балалар шигырләр ятлап, җыр – биюләр әзерләде. Кадерле әниләр һәм әбиләргә, үзәктә эшләүче гүзәл ханымнарга бүләккә котлау открыткалары ясадылар.

Бәйрәм дәвамында тәрбиянүчеләр белән зурлар да кызыклы уен-конкурсларда теләп катнашты. Чара җылы мөхиттә узды. Катнашучылар һәм бәйрәм кунаклары якты тәэсирләр алып, киләсе ялларга күңел күтәренкелегендә киттеләр, дип өметләнәсе килә.