Әлфия Когогина федераль чараларны республика икътисадына җәлеп итү буенча утырыш уздырды.
Татарстан Республикасының Сәүдә һәм сәнәгать министрылыгында Дәүләт Думасы депутаты. икътисадый сәясәт, сәнәгать, инновацияле үсеш һәм эшмәкәрлек буенча комитет рәисе урынбасары Әлфия Когогина рәислегендә Сәнәгать үсеше фонды һәм башка мәсьәләләр буенча "Сәнәгатьне үстерү һәм аның көндәшлеккә сәләтлелеген күтәрү" дәүләт программасында, "Газпром" ПАҖ инвестиция программасында республиканың катнашуы мәсьәләсе буенча эшче төркем утырышы узды.
Утырышта Татарстан Республикасы сәүдә һәм сәнәгать министры урынбасары Илдар Мингалиев, министрлыкның җаваплы подразделениеләре җитәкчеләре һәм белгечләре катнашты.
«2019 елда безнең эшче төркем республика икътисадына федераль чаралардан 24 млрд сум акча җәлеп итә алды. Ләкин иң мөһиме акча түгел. Иң мөһиме - без яңа җитештерү урыннары, эш урыннары булдырдык, авыл хуҗалыгы машиналары, автомобильләр төзелеше, җиңел сәнәгать, газ-мотор техникасы төзелеш, суднолар проектлау һәм төзү кебек юнәлешләрдә яңа продуктларны базарга чыгарырга ярдәм иттек", - дип шәрехләде Әлфия Когогина.