Онытылмас каникуллар
Һәр кешенең тормышында, бигрәк тә балачакта гомер буена якты хатирәләр калдыра торган вакыйгалар була. Минзәлә районында урнашкан «Тургай» социаль приютында тәрбияләнүчеләр өчен кышкы каникуллар вакытында шундый шатлыклы вакыйга булды. Алар өчен Яр Чаллы дельфинариена сәяхәт оештырылды. Анда балаларны «Диңгез рапсодиясе»дигән кызыклы тамаша көтә иде.
Чын музыкантлар башкаруында тере музыка аккомпанементы астында башкарылган дельфиннар һәм диңгез песие трюклары балаларга онытылмас тәэсирләр калдырды. Диңгез артистлары белән бергә чыгыш ясаучы тренерлар гаҗәеп трюклар күрсәттеләр, хайваннар һәм кешеләр арасында ышанычлы мөнәсәбәтләр һәм үзара аңлашу үрәнге күрсәттеләр. Балалар дельфиннарның музыка тыңлавын, биюләрен бик кызыксынып карадылар.
Бу сәяхәтне балалар өчен приютның даими кунагы һәм спонсоры Цыганов Василий Витальевич оештырды. "Тургай» приютында тәрбияләнүчеләр үз дусларына кызыклы сәяхәттә булу мөмкинлеге биргән өчен зур рәхмәтләрен белдерәләр.