Уңышның нигезе – сыйфатлы орлыкта

Сыйфатлы орлык мате- риалының сакланышын тәэмин итүче ашлык са­клагычлар аеруча зур игътибар сорый. Чөнки киләсе яхшы уңышның ни­гезе – һава шартларының уңай торышы гына түгел, ә орлык материалының югары сыйфатлы булуын­да да.

Авыл хуҗалыгы үсемлек- ләре орлыкчылыгы өлкә- сендә норматив-хокукый актлардагы таләпләрне күздә тотып, бүгенге көндә Ро с с ельхо з на д з орның ТР буенча идарәсенең орлыкчылык бүлеге белгечләре контроль- күзәтчелек итү чара­ларын уздырганда яңа уңышны кабул итү өчен орлык складлары әзерлегенә зур игътибар бирәләр.

Соңгы материаллар­дан күренгәнчә, аерым хуҗалык җитәкчеләре һәм белгечләре орлык саклау мәсьәләсенә сал­кын карыйлар. Районның кайбер хуҗалыклары складларында ам­бар кимерүчеләре барлыгы ачыкланды. Алар орлыкларның тишелешенә һәм көченә зыян салалар. Кимерүчеләргә каршы чара күрелмәгән очрак­та чәчү сыйфатлары кимү сәбәпле, нәтиҗәдә планлаштырылган уңыш алынмыйча, икътисадый зыян киләчәк.

Амбарларда кимерүчеләр барлыкка килүнең төп сәбәпләренең берсе – склад эченә атмосфе­ра явым-төшемнәре, кар сулары тулу. Шушы күренешләргә ка­рамастан, хуҗалык җитәкчеләре һәм белгечләре күрә то­рып бернинди чара да күрмиләр. Гәрчә еш кына кул астындагы материал белән стена- түшәмнәрдәге тишек- ярыкларны ямап булса да. Явым-төшем эләгү сәбәпле, болардан баш­ка күгәрек гөмбәләр дә барлыкка килә, орлы­клар үзлегеннән кызып, бүртәләр. Никадәр зыян килә! Шул рәвешле, хуҗалыклар үз акча­ларын гына түгел, ә элиталы, югары уңыш бирә торган оригиналь орлыклар сатып алу­га бирелгән дәүләт субсидияләрен дә “җилгә очыра”.