Әлфия Когогина: "Дача амнистиясен" озынайту гражданнарга гамәлдә булган күчемсез милек объектларына хокукларны тәртипкә салырга мөмкинлек бирәчәк
19 июньдә Дәүләт Думасы "дача амнистиясен" озынайту турында закон проектын беренче укылышта кабул итте.
Дәүләт Думасы депутаты, Икътисадый сәясәт, сәнәгать, инновацияле үсеш һәм эшмәкәрлек буенча комитет рәисе урынбасары Әлфия Когогина новеллага комментарий бирде:
"Дача амнистиясенең" 13 ел гамәлдә булу чорында күчемсез милек объектларына (торак, дачалар, бакча йортлары, мунчалар, гаражлар) гадиләштерелгән тәртиптә 13,5 млн нан артык хокук теркәлүгә дә карамастан, чынлыкта күчемсез милеккә ия булып та үз хокукларын рәсмиләштерүнең гадиләштерелгән тәртибеннән файдаланмаган гражданнар бүген дә бар. Гражданнарны әлеге мәсьәләдә хуплый торган ярдәмне гадел һәм үзвакытында дип саныйм. Моңа кадәр булган хокукларны рәсмиләштергәннән соң, алар милекне сата, залогка куя, мирас итеп тапшыра, теркәлү уза һәм теркәлү урыны буенча дәүләт хезмәтләре ала алалар".
Төзелеш 2018 елның 4 августында башланган йортларга карата гадиләштерелгән хәбәр итү тәртибе тәкъдим ителә.