Минзәлә студентлары WorldSkills финалында булдылар
Муса Җәлил исемендәге Минзәлә педагогия көллияте студентлары 21-23 майда Казанда, "Казан Экспо" халыкара күргәзмә үзәге мәйданчыгында узган «Яшь профессионаллар (WorldSkills Russia)» VII Милли чемпионаты финалында булдылар.
«Яшь профессионаллар (WorldSkills Russia)» VII Милли чемпионаты финалы - яшьләрнең һөнәри ориентациясенә һәм илебезнең белем бирү системасына иң яхшы халыкара практикаларны иңдерүгә ярдәм итүче, урта махсус һөнәри белем бирү учреждениеләренең 16-22 яшьлек студентлары арасында WorldSkills стандартлары буенча Россиядә иң масштаблы һөнәри осталык ярышлары.
Милли Чемпионат ярышлары алты блок һөнәр компетенцияләре буенча узды: төзелеш, мәгълүмати-коммуникацияләр, иҗат һәм дизайн, җитештерү һәм инженерлык технологияләр, хезмәт күрсәтү өлкәсе, шулай ук транспорт һәм логистика.
http://menzela.ru/news/worldskills/menzelinskie-studenty-posetili-final-worldskills