"Әкият һәм фантазия иленә сәяхәт"

2019 елның 1 марты, җомга

Февраль ахырында гаиләгә һәм балаларга социаль ярдәм бүлекчәсенең социаль эш буенча белгече Наталья Хәмидуллина "Театрны үз кулларыбыз белән тудырабыз" программасы кысаларында практик дәрес уздырды.

Бу дәрестә балалар бер тапкыр кулланылыштагы стаканнардан әкият каһарманнарын ясадылар. Эш тәмамлангач, бергәләшеп "Саф һавада йөргәндә..." ситуациясе буенча уйнап та күрсәттеләр. Уен вакытында шатланышып көлделәр. җырлар башкардылар, күңелле итеп аралаштылар.

Мондый эшчәнлек балаларны берләштерә, иптәшләренә карата сизгер мөнәсәбәт тәрбияли, аларның рухи дөньяларын баета.