ЯҢАЛЫКЛАР

Бүген, 16 ноябрьдә С.Өметбаев исемендәге Минзәлә татар дәүләт драма театрының Казандагы гастрольләренең өченче көне. Узган кич К.Тинчурин исемендәге татар дәүләт драма һәм комедия театры бинасында Ф.М.Достоевский әсәре буенча Р.Әюпов сәхнәгә куйган “Абзыйның төше “ мистик драмасы зур уңыш белән узды. Мистика артист тормышына да күчә икән. Төп рольдә уйнаучы ТРның халык артисты, С.Өметбаев исемендәге премия лауреаты Хафиз Хамматуллин кичә яшьлек эзләре буйлап йөреп кайтам, дип чыгып китте (Хафиз Казан театр училищесында укыган) Достоевский урамы буйлап, уйланып кына кайтып килгәндә ярты метр  ераклыктагы коймага бер карга килеп куна.(Каргалар әлеге әсәрдә кулланыла) “Адымнарны әкренәйттем, ә карга куркырга уйламый да, исәнләшкән кебек башын селкетеп алды, мин ипләп кенә, барысын да яхшыга юрап,  яныннан узып киттем, диде Хафиз. Дөрестән дә, спектакльне тамашачы бик яхшы кабул итте.

Гимназия бинасында “Ак калфак” җирле оешмасы вәкилләре тарафыннан “Озын толым” бәйгесе уздырылды. Анда гимназиядә белем алучы озын толымлы 10 кыз үзара көч сынашты.

Тантананы ачып җибәреп, “Ак калфак” оешмасы вәкиле, гимназиянең миллли белем бирү буенча директор урынбасары Энҗе Усманова озын толымның элек-электән үк татар хатын-кызының күрке булуын әйтеп үтте. Бәйгенең шартлары белән таныштырды.

Шәһәребезнең үзәк мәйданына куелган В.И.Ленин һәйкәле янына җыелып район коммунистлары һәм шәһәрнең 2 урта мәктәбе укучылары Октябрь революциясе көнен искә алдылар. Быел Октябрь революциясенә 99  ел тулды.Митингны район коммунистлар партиясен җитәкләүче Заһир Зыятдинов ачып җибәрде. Ленин, Октябрь  революциясе һәм коммунистлар партиясе, революциядән соңгы чорлар,  илне фашизмнан азат итү, сугыштан соң илне аяка бастыруда совет кешеләренең үзләрен аямыйча эшләүләре, чирәм җирләрне үзләштерү турында коммунист Александр Жбанов   чыгыш ясады  Аннары Бөек Ватан сугышы ветераны   Михаил Тихонов совет властен торгызуда бик күп эшләр эшләгән Ленинны ,Сталинны бары яхшы яктан гына искә алды  һәм рәхмәтен җиткерде . Митингта “Метасервис” ҖЧҖ җитәкчесе Алексей Юдин Владимир Ильич Ленинның, туганнары, тормышы һәм ничек итеп революция ясар өчен Швециядә яшәүче банкир туганыннан акча алуы турында да  да сөйләп китте. Аның чыгышын митингка килгән кешеләр тын да алмый тыңладылар.

Октябрь революциясе көнен искә алырга килгән ветераннар,укучылар Ленин һәйкәленә чәчәк салдылар. Районда бүгенге көндә барлыгы 30 кеше коммунистлар партиясе сафында тора, Октябрь революциясе көнен искә алырга зурлардан 40 тан артык кеше килгән иде. 

Быелгы елның 6 нчы август көне Минзәлә районының Иске һәм Яңа  Мәлкән авылларында туып үскән, язмыш кушуы буенча читкә чыгып киткән һәм шунда яшәргә тиеш булган, авылыннан читтә оя корган бик күп мәлкәнлеләр өчен күптәнге хыялларының тормышка ашкан матур бер мизгеле булып истә калыр, мөгаен. Яңа һәм Иске Мәлкән авылларының  элек-электән керәшеннәр яшәгән авыллар икәнен искә алсак, бу көнне -  Мәлкән керәшеннәренең очрашу-күрешү көне дип атау да дөрес булыр иде.

Соңгы вакытта кайбер интернет-басмаларда Татарстанда тиздән барлык медицина хезмәтләрен күрсәтү дә түләүле булырга мөмкин дигән фикерләр күренеп алды. Бу мәсьәләгә ачыклык кертүне үтенеп, без Татарстан Республикасының Территориаль мәҗбүри медицина иминияте фонды директоры Алсу Мифтаховага мөрәҗәгать иттек. Аның белән булган әңгәмәнең бер өлешен бүген сезгә дә тәкъдим итәбез.

27 октябрь көнне “Парклар һәм скверлар” ак циясе кысаларында Минзәлә картлар һәм гарипләр интернат йортында яшәүчеләр Ленин паркында булып кайттылар. Көзге матур көндә әби-бабайлар мини-футбол уйнадылар, тренажерларда  шөгыльләнделәр. Мондый чаралар үткәрү катнашучыларның  сәламәтлекләрен ныгыта, кәефләрен күтәрә.

“Зирәк тиен-2016” бөтенроссия уен-бәйгесенендә мәктәпнең 35 укучысы катнашты. Шуларның ундүртенә Татарстан Республикасы мәгариф һәм фән министрлыгының Җиңүче дипломы һәм бүләкләр тапшырылды.

Тамашачы түземсезләнеп С.Өметбаев исемендәге Минзәлә татар дәүләт драма театрының 81 нче сезоны ачылуын көтә. Коллективның бу сезонга куйган бурычлары, иҗади планнары хакында кызыксынып, без театрның баш режиссеры Дамир Сәмерханов белән әңгәмә кордык.

-Дамир әфәнде, яңа сезонда тамашачыны нинди спектакльләр белән сөендерерсез? Гомумән, иҗади планнарыгыз белән таныштырсагыз иде..

2016 нчы елның 13нче октябрендә Муса Җәлил исемендәге Минзәлә педагогия колледжында Татарстан Республикасы гимназияләренең укучы балалар командалары арасында оештырылган татар халкының милли бәйрәме –  “Сөмбелә” республика бәйгесе уздыралачак. Анда Татарстан Республикасының 7 гимназиясе үзара көч сынашачак.

Агымдагы    елнын    2   июненнэн     коченэ     кергэн     федераль       закон     нигезендэ      Федераль     салым   хезмэте       сервисында          «Салым тулэученен шэхси кабинет» ын   ачкан   кешелэргэ      салым тулэу     кэгазьлэре    яки    башка    салым     кэгазьлэре   электрон юл белэн генэ  жибэрелэ, ягъни   алар   аны   кэгазь  вариантта    хэм   почта   аша  алмыйлар. Физик    затлар  очен      милек, жир, транспорт  салым  тулэу  вакыты   2016 елнын  1  декабренэ  кадэр. Салымнарны   салым  тулэученен   салым  сайтындагы   шэхси  кабинеты  аша, дэулэт  хезмэтлэре  порталы  аша  электрон    рэвештэ,  кредит  учреждениелэрендэ, почта булекчэлэрендэ  тулэргэ  момкин .