Райондашлар Илья Гусевка ярдәм итә

“Түземле кургаш солдатым минем”, - эшмәкәр Роза Габи­дуллина алты ел буе яшәү белән үлем арасында булган Илья Гусевка шулай дип дәшә. Дөрестән дә, нәкъ шушы ха­ным бу гаиләне бер генә минут­ка да ташламады, хәзер дә бездән, минзәләлеләрдән, ярдәм сорап мөрәҗәгать итә.

Мензела.ру сай­тында һәм Мен­зелинск news – Мензеля Татар­стан ВКонтакте төркемендә ярдәм сорап мөрәҗәгать итүгә, эшмәкәр Да­мир Каюмов шунда ук ярдәмгә ашыкты, үсмер өчен кирәкле ятак үлчәмнәрен алды. Ярдәм килеп иреште, соңгысы гына булмасын иде. Ильяга урамга чыгу өчен подъездга пандус кирәк. Бәлки ярдәм итүчеләр табылыр?