Чүп үләннәрен чабарга керештеләр
Чүп үләннәрен чабу ничек оештырылган соң? Бу хакта безгә Идарәче компаниянең баш инженеры Илдар Баһаутдинов болай диде:
– Чүп үләннәрен чабуга Роза Мухтахова, Эдуард Железнов, Алексей Бобков кебек дворникларыбыз алынды. Үләннәр чабуда бензинга эшләүче триммер кулланыла.
Алар иртәнге якта сәгать 9га кадәр үзләренең участок- ларында эшлиләр, аннары 17 сәгатькә кадәр Идарәче компаниягә беркетелгән күпфатирлы йортлар янындагы территорияләрдә чүп үләннәрен чабалар. Алар үзләренә тапшырылган эшләренә җаваплы карыйлар, тырышлык- ларын кызганмыйлар. Үлән чабучылар моңа кадәр Атлар мәйданындагы күпкатлы йортлар периметры буенча чүп үләннәрен чаптылар, аннары мондагы йорт яны территориясендә эшләячәкләр. Хәзерге вакытта үлән чабучылар Изыскательләр бистәсендәге 1 нче комплекстагы йортлар янындагы чүп үләннәрен чабу белән мәшгуль.
Идарәче компаниягә Үрдәк күле янындагы территория дә беркетелгән, өмәләр үткәреп без аның янын да чисталыкта тотарга, чүп үләннәрен системалы төстә чабып торырга тырышабыз.