Эш күләме күп, срогы кыска
Биредә башта тротуарлардагы иске брусчаткаларны куптару, тротуар өстендәге поликарбонат навесны, металл конструкцияне сүтү кебек эшләр башкарылды. Хәзер җир эшләре алып барыла.
Васил Гыйләҗетдинов, район башкарма комитеты җитәкчесе вазифаларын вакытлыча башкаручы:
– Шушы көннәрдә Казаннан әлеге паркның проектын төзүдә катнашкан архитекторлар десанты килде. Парк- тагы эшләрне башкару өчен җаваплы төзелеш оешмаларын, эш күләмен һәм эш срокларын, финанс чыганакларын билгеләү максатыннан район башлыгы Айдар Салахов катнашында барыла.
Васил Гыйләҗетдинов, район башкарма комитеты җитәкчесе вазифаларын вакытлыча башкаручы:
– Шушы көннәрдә Казаннан әлеге паркның проектын төзүдә катнашкан архитекторлар десанты килде. Парк- тагы эшләрне башкару өчен җаваплы төзелеш оешмаларын, эш күләмен һәм эш срокларын, финанс чыганакларын билгеләү максатыннан район башлыгы Айдар Салахов катнашында утырыш узды. Финанс чыганаклары расланды. Бүгенге көндә паркта башкарылачак эшләрнең якынча графигы төзелде. Хәзерге вакытта биредә барлык эшләр дә график буенча алып барыла. Төп төзекләндерү эшләрен «Мелиорация» Минзәлә ПМКсы оешмасы башкарачак. Паркны төзекләндерү нигездә республика һәм район бюджетыннан финансланачак, шулай ук махсус программа нигезендә өстәмә рәвештә федераль бюджеттан да акча алу каралган. Шул рәвешле заманча һәм уңайлы парк төзү якынча 40 миллионга төшә. Паркны төзекләндерүдә шәһәр халкыннан җыелган 5,8 млн сум күләмендәге үзара салым средстволары да файдаланылачак. Шулай ук төп спонсор – «Татнефть» ПАО дә финанс ярдәме күрсәтәчәк.
Башкала архитекторлары төзегән парк проектын Минзәлә халкы ошатты. Үзәктәге паркның матурлыгы, эшләрнең вакытында башкарылуы һәм аның сыйфаты төзелеш оешмаларының намуслы хезмәтенә бәйле. Һәр җаваплы зат үз вазифасына җаваплы караган вакытта планлаштырылган эшләр вакытында башкарылыр дип ышанам.