Келәмне кыздырып кайтты Данис
Аның чираттагысы Башкортостан Республикасы Стәрлетамак шәһәрендә үтте. Илнең 20 гә якын төбәгеннән 130 дан артык яшь көрәшче катнашты бу турнирда.
Турнирда яшь көрәш- челәр 15-16 һәм 17-18 яшь категорияләрендә бил алыштылар. Иң күп катнашучылар Татарстан Рес- публикасыннан булган. Республика данын безнең районнан яшь көрәшче 80 килограммга чаклы авырлыкта Данис Гәрәев яклады. Ул 18 яшькә кадәрле яшь көрәшчеләр арасында икенче урынны яулап кайтты, кубок, Мактау кәгазе, медаль белән бүләкләнде. Данис бу беренчелеккә бару өчен Мамадыш шәһәрендә үткән Татарстан беренчелегендә беренче урынны яулаган иде. Ул бүгенге көндә Чаллы шәһәренең физкультура көллиятендә 3 курста белем ала.
Данис Гәрәев 11 ел дәва- мында әтисе Фәнияр кул астында татарча көрәш белән даими шөгыльләнә. Яшь көрәшче осталыгын елдан-ел арттыра бара һәм өч тапкыр 70, 75, 80 килограмм авырлык категориясендә 2014, 2015, 2017 елларда Татарстан Республикасының чемпионы булып калды. Ул шулай ук ике тапкыр Россия призеры булды.