ОДН чыгымнарын исәпләү тәртибе үзгәртелде

акцент

Гомуми йортны карап тотуга кулланыл­ган салкын су белән электр энергиясенең суммасы ай саен үзгәреп торучан бул­мый һәм ул шушы торак мәйданында ничә кеше яшәгәненә бәйле түгел.

“Гомуми йорт ихтыяҗлары” дигән гра­фа урынына “Торак йортны тоту өчен сал­кын су” дигән хезмәт пәйда булды.

Искәртеп үтик, элек ОДН болай исәпләнә иде: бөтен йорт кулланган гомуми күләм белән учет приборла­ры күрсәткечләре суммасының аер­масы шушы күпкатлы йорттагы фатир хуҗаларына бүленде.

Шушы үзгәрешләр уңаеннан “Минзәлә районы коммуналь челтәрләр” АҖнең икътисад һәм прогнозлаштыру буенча директор урынбасары Сәлимә Габдрах­манова түбәндәге аңлатманы бирде:

– Гомуми йорт ихтыяҗлары өчен түләү торак хезмәте күрсәтү төренә, ягъни “йортны карап тоту”га күчте. Торак би­наны карап тоткан өчен түләү составына күпфатирлы йортларда гомуми милекне карап тотуга кулланылган салкын суга һәм электр энергиясенә булган чыгымнар кертелә.

Гомуми йорт ихтыяҗларына күрсәтелгән хезмәтләргә түләү күләме һәрбер күпфатирлы йорт өчен аерым, ул теге яки бу конкрет күпкатлы йортның төзеклеге дәрәҗәсенә, торак һәм торак булмаган биналар гомуми мәйданының гомуми файдаланудагы урыннарның гомуми мәйданына карата булган нисбәтенә карап билгеләнә. Исәпләү ясауга күпкатлы йортта ничә кеше яшәве һәм пропискада ничә кеше булуы йогын­ты ясамый.

Шәһәребезнең Изыскательләр ура­мындагы 3/3 йорты мисалында торак йортны тоту өчен ике төр хезмәт буенча исәпләүләрне китерәбез:

безнең өстәмә

“Бердәм исәпләү үзәге” ҖЧҖ 2017 елның гыйнвареннан счет-фактурада “Торак йор­тны тотуга электр белән тәэмин итү” дигән хезмәтне исәпли башлады. Әмма гыйн­вар аенда ЕРЦ исәпләп җибәргән әлеге исәпләү программаның төзек булмавы ар­касында дөрес башкарылмаган. Шуңа күрә февраль аенда әлеге хезмәт төренә кабат­тан исәпләү ясалган.