«Язгы каникуллар»
Минзәлә районында 2 ай эчендә Чаллыда яшәүче 1 бала юл һәлакәтенә эләкте. Юл йөрү кагыйдәләрен бозган 16 яшькә хәтле 53 балага «Тукта, синең тормышың куркыныч астында» дигән карточка бирелде.
2017 елның 2 аенда Татарстан Республикасы юлларында балалар катнашы белән 64 юл-транспорт һәлакәте теркәлгән, анда ике бала үлгән, 67 бала травма алган. Узган ел белән чагыштырганда юл-транспорт һәлакәте кимегән, зыян күрүчеләр – 18 гә, үлүче балалар саны шул килеш – икәү калды.
Юл-транспорт һәлакәтенең 87%ы өлкәннәр гаебе белән килеп чыга, 13% – балаларның саксызлыгы аркасында, әмма ничек кенә булмасын, бала кагыйдә бозган икән, өлкән кеше гаепле. Гомумбелем бирү оешмаларында ЮХИДИ хезмәткәрләре укучылар һәм аларның ата-аналары белән профилактик әңгәмәләр үткәрә. Педагоглар белән юл хәрәкәте куркынычсызлыгын тәэмин итү буенча киңәшмәләр мәктәпләрдә, балалар бакчаларында, мәгариф бүлекләрендә үтә.
Бу чорда юл-патруль хезмәте нарядлары урам чатларында юл йөрү кагыйдәләрен бозган, автомобиль- ләрдә яшь пассажирларны йөртү белән бәйле булган, шулай ук җәяүлеләргә өстенлек бирмәү фактларын ачыклаган.
ЮХИДИ хезмәткәрләре игътибарыннан юл йөрү кагыйдәләрен исәпкә алмаган кечкенә җәяүлеләр дә читтә калмый. Алар тарафыннан юлны кичү кагыйдәләрен бозган фактларны полицейскийлар яшь инспекторлар белән берлектә тикшерәчәк. Җәяүлеләрнең юл йөрү кагыйдәләрен бозу турында мәгълүматлар алга таба алар белән профилактик эшләр алыпбару өчен уку йортларына җибәрелә. Балаларның машина тәгәрмәче астына эләгүнең төп сәбәбе булып юлны тиешсез урыннан чыгу, куелган машиналар арасыннан кинәт юлга килеп чыгу, светофорга игътибар итмәү тора.
Тәүлекнең караңгы вакытында хәрәкәт иткәндә һәм торак пунктлардан тиешле яктылык булмаган шартларда йөргән җәяүлеләр үзләрендә ут кайтара торган элементлар булдырырга һәм машина йөртүчеләргә күренерлек булуын тәэмин итәргә тиешләр. Юлны бары тик тиешле урыннан гына һәм машина йөртүче юл бирәсенә ышанган очракта гына чыгарга кирәк.
Шуны онытмаска кирәк, 12 яшькә кадәрле балалар автомобильдә бары тик махсус җайланмалар белән генә йөртелергә тиеш (балалар авто-креслосы) ул баланың буена һәм авырлыгына тәңгәл килергә, ә 12 яшьтән өлкән балалар эләктерелгән куркынычсызлык каешлары белән булырга тиеш.