Каһарман шагыйрьне искә алдык

2010 нчы елдан бирле Муса Җәлил исемен йөртүче Минзәлә педагогия көллиятендә быел да митинг узды һәм шагыйрьнең парктагы бюсты янына да чәчәкләр салынды. Әлфинә ВОРОБЬЕВА Тантаналы чарада көл- лият директоры Ренат Ибраһимов, Муса Җәлил музее директоры Алсу Григорьева, студентлар, педагогик хезмәт ветеран- нары, республикабызның төньяк-көнчыгыш төбәге районнарыннан килгән конференция кунаклары да катнашты. Митингтан соң көл- лияттә урта махсус бе- лем учреждениеләре, мәктәпләр һәм мәктәпкәчә белем учреждениеләренең татар теле укытучылары өчен шагыйрьнең иҗатына багышланган “Җәлил – җырлый белгән бөркет, сугыша белгән былбыл” темасына фәнни-практик конференция узды. Алсу Григорьева: – Каһарман-шагыйрь Муса Җәлилнең 110 еллы- гы, дөрестән дә, истәлекле вакыйга. Чаралар әле башлана гына, алга таба алар илебез чикләреннән читтә – Германиянең ике шәһәрендә узачак. Исегезгә төшерәбез, Муса Җәлил 1941 нче елда Минзәлә педагогия учили- щесы бинасында полит- курсларда булган, 1956 нчы елда аңа Советлар Со- юзы Герое исеме бирелә, ә 1957 нче елда ул Ленин премиясе лауреаты була.

акцент Татар халкының батыр улы, Советлар Союзы Герое, фашист лагерьлары тоткыны, “Моабит дәфтәрләре” җыентыклары авторы каһарман шагыйрь Муса Җәлилне искә алуга багышлан- ган патриотик акцияләр илебезнең генә түгел, дөньяның төрле почмакларында да уза.