Конкурс җиңүчеләре
2014 елның 1 сентябреннән 2015 елның 1 маена кадәр барган “Мәктәп эко-патруле” республика конкурсында 1нче мәктәпнең биология укытучысы Светлана Федотова җитәкчелегендә укучылар катнаштылар. “Мәктәп эко-патруле” конкурсында 3 номинация бар иде: “Иң актив укучы”, “Иң актив сыйныф”, “Иң актив мәктәп”.
Безнең укучылар махсус оештырылган мобиль өстәмә белән санкцияләнмәгән урыннарда чүп-чар ятуын төшереп экология министрлыгына җибәрделәр, инспекторлар составы аларны бетерү буенча чаралар күрде.
Ура! Казаннан звонок: безне башкалага тантаналы җыелышка ТР гомумибелем оешмаларының укучылары арасында “Мәктәп эко-патруль” республика конкурсында җиңүчеләрне котларга чакырдылар. Без ике номинациядә: “Иң актив мәктәп” номинациясендә проектор белән электрон такта оттык, шулай ук Диплом тапшырылды. “Иң актив укучы” номинациясендә 9нчы сыйныф укучысы Ренат Талипов призер булды, аңа диплом һәм Samsung е5 телефоны бүләк иттеләр Шулай ук церемониягә призлы урыннарга җитмәгән конкурсның актив укучылары чакырылган иде: Ләйсән Салдаева, (6 сыйныф), Илдар Гәрәев (6 сыйныф), Карина Усова (7 сыйныф), Артем Зыятдинов (7 сыйныф), Алинә Бәдретдинова (7 сыйныф), Адель Гарипов (9 сыйныф). Монда, Җиңү паркында безнең өчен – конкурс җиңүчеләре өчен уеннар, конкурслар, викториналар, эшләнмәләр ясау өчен мастер-класслар оештырылган иде. ТРның экология һәм табигый ресурслар министры Артем Сидоров Рөстәм Миңнеханов инициативасы буенча үткәрелгән конкурста Минзәлә укучыларының актив катнашуын билгеләп үтте. Ул безгә укуда зур уңышлар, ныклы сәламәтлек һәм яңа җиңүләр теләде. Башкалага бару, безнең өчен оештырылган бәйрәм, алган призлар, уңай эмоцияләр алга таба конкурсларда катнашырга зур этәргеч булды. Мәктәп укучылары гына түгел, һәрбер кеше экологик хәлне төзәтер дип ышанам, табигатьне саклауда катнашырга, беренче чиратта үзеңне, ә аннан соң яшь буынны тәрбияләргә тиеш. Без шунда гына табигать белән урталык таба алабыз.
Светлана ФЕДОТОВА, 1 нче урта мәктәпнең биология укытучысы