Беренче спартакиада

“Кояшкай”, “Олимпиец”, “Бәхет аланы” сәламәтләндерү лагерьларында ял итүче малайлар һәм кызлар “Бәхет аланы” лагеры стадионына үзләренең көчләрен, тизлекләрен сынарга җыелыштылар.

Илсөяр ХӘЕРТДИНОВА

Балалар ГТО нормасын тап­шырганда үзләренең көчләрен сынадылар: 60 метрга йөгерү, урыннан озынлыкка сикерү, биек һәм тәбәнәк аркылы бо­рыстан тартылу, аркада яткан килеш гәүдәне күтәрү, баскан килеш иелү, шулай ук футбол һәм волейбол уйнадылар. Гому­ми команда зачетында беренче спартакиада җиңүендә “Олим­пиец” лагеры өстен чыкты. Шуңа күрә монда киләсе спар­такиада узачак. Һәрбер катна­шучы уңай энергия, оптимизм һәм, әлбәттә, приз алды.

Артем Зыятдинов:

– Мин “Кояшкай” лагерын­да ял иттем. Миңа бик оша­ды, күңелле булды. Һәркөнне төрле мавыктыргыч уеннар үткәрелде. Үземне яшь спортчы дип саныйм. Волейбол уйнарга яратам.

Никита Аманов:

– “Олимпиец” лагерында күп дуслар таптым. Смена тәмамланганнан соң лагерьны, дусларны сагыначакмын. Арка­да яткан килеш гәүдәне күтәрү буенча норматив үтәдем. Би­ремне үтәү кыен түгел иде. Фут­бол уйнарга яратам, футбол секциясенә йөрим.

Анжела Мясникова:

– Мин яраткан “Кояшкай” ла­герында каникулларны берен­че генә үткәрүем түгел. Монда һәрвакыт яхшы вожатыйлар, күп кенә күңелле дәресләр һәм алар көн саен безнең өчен кы­зыклы нәрсәләр уйлап табалар иде. Мин ике ел волейбол белән шөгыльләнәм һәм бу уенда кат­нашам