Социаль яклау бүлегенә электрон юл ачык
Социаль яклау бүлегенә документларны өйдән чыкмый, ялыктыргыч чиратларда тормый гына дәүләт хезмәтләре порталы аша тапшырырга мөмкин.
Иң беренче чиратта бу пенсионерларга кагыла. Алар ай саен бирелә торган түләүләргә, “юл акчаларына”, торак-коммуналь хезмәтләр, элемтә өчен кайтарыла торган субсидия-льготалар алуга гаризаны электрон рәвештә генә яза алалар.
Балалары булган гаиләләр дә балага ай саен түләнә торган пособие; социаль иминиятләнмәгән, ләкин яшь бала караучы затларга бала тугач бер тапкыр һәм бала караган өчен бирелә торган пособие; күпбалалыларга субсидия-льгота һәм аларның балаларына юлда йөрү өчен, 6 яшькәчә балаларга дару алыр өчен субсидия билгеләргә гариза язар өчен дә бик уңайлы электрон вариант. Шулай ук, оешмалары таркалу сәбәпле, йөклелек һәм бала табу буенча пособие алу өчен дә хатын-кызларыбыз электрон рәвештә гариза юллый ала.
Моның өчен ТРның дәүләт хезмәтләре порталында (https://uslugi. tatarstan.ru) теркәлергә, халык өчен тәкъдим ителгән хезмәтләр панелендә “ЖКХ: коммуналь хезмәтләргә түләү, счетчик күрсәткечләрен кертү, субсидия алу” яки “Бала карау: балаларга пособие, опека рәсмиләштерү” тамгаларын сайларга һәм шунда үз гозерең юнәлешендә керергә кирәк. Электрон гаризаның һәр юлын тутырырга, кирәк булган документларны сканер аша уздырырга, фотога төшерергә һәм аны гаризага теркәргә кирәк.
Сораулар туса, 3-33-28, 3-19-08 телефоннары аша социаль яклау бүлегенә һәм РЦМПның 29 филиалына мөрәҗәгать итәргә була. Электрон рәвештә тәкъдим ителәчәк хезмәтләр исемлеге алга таба да киңәйтеләчәк.
Татьяна МЯСНИКОВА, социаль яклау бүлеге начальнигы