БДИ кыюларга буйсына

Минзәлә районында БДИнең соңгы нәтиҗәләрен чыгардылар. Чыгарылыш имтиханнары ничек үткән, нинди фәннәр чыгарылыш укучыларына җиңел бирелгән һәм башка яңалыклар турында мәгариф бүлеге начальнигы урынбасары Әлфия Солтанова белән әңгәмәбездә.

Илсөяр ХӘЕРТДИНОВА

– Әлфия Әмировна, БДИ ничек үтте, кимчелекләр булмады­мы?

– БДИ бик әйбәт, бер­нинди кисәтүләрсез үтте. Барлык имтихан­нар 1нче урта мәктәпнең алты аудиториясендә үтте. Кабинетлар ви­деокамералар белән җ и һ а з л а н д ы р ы л г а н иде, онлайн режимын­да эшләделәр. БДИ үткәрергә районның бар­лык мәктәпләреннән 50 педагог җәлеп ителгән иде. Егермегә якын кеше БДИне аудиториядән читтә оештырдылар. Бар­лыгы 86 чыгарылыш уку­чысы имтихан тапшырды.

– Сезнең карашка, БДИ белем сыйфатына объ­ектив картина бирәме?

– Мин бирә дип уйлыйм. Әгәр бала әзерләнгән икән, ул бирелгән биремнәрне эшләмичә кабинеттан чыкмый. Чы­гарылыш укучылары әзерләнгән иде, начар бирмәделәр.

– Ничә укучы һәм нин­ди фәннәрдән югары балл алдылар?

– Быел 7 укучы РФ медальләренә лаек бул­ды һәм берсе әле ТР ме­дален дә алды. Узган ел 124 укучыдан РФ медален 9 кеше алды.

– Сайлап алынган фәннәрнең рейтингын атап үтегез әле. Нинди фәннәр популяр булды?

– Чыгарылыш укучыларының гадәттә өстенлек биргәне - җәмгыять белеме, 50% тан күбрәге шул фәнне сайлаган иде, 36% – фи­зика, 14% – тарих, 10% – информатика һәм биоло­гия, 8% – химия сайлаган иде. Чыгарылыш укучы­лары быел немец телен һәм әдәбиятны сайлама­ган иде.

– Ничә кеше аттестат­сыз алды?

– Быел барлык укучы­лар, узган елгылар кебек аттестат алдылар, дөрес, ике укучы математикадан профиль дәрәҗәсендә “ике”ле алды. Алар бу фәнне база дәрәҗәсендә яңадан тапшырдылар.

– Төп предметлардан уртача балл республи­каныкы белән чагыш­тырганда югары яки түбән идеме?

– Рус теле буенча рай­онда уртача балл - 68,34, республикада – 69,42. Ма­тематика буенча профиль дәрәҗәсендә районда ур­тача балл – 53,08, ТР бу­енча – 50,31. Математика буенча база дәрәҗәсендә безнең районда уртача балл – 4,09, бу вакыт­та республика 4,03 не генә бирә. Быел инфор­матикадан кала, барлык фәннәрдән уңай динами­ка күзәтелә. Тарих буенча күрсәткечләр яхшырды. Уртача балл 72,27 тәшкил итте, узган ел уртача балл барлыгы 50,26 гына иде. Җәмгыять белемен бирмәүче укучылар бар (аттестат алырга ул кома­чау итмәде, мәҗбүри фән түгел).

– Булачак чыгары­лыш укучыларына теләкләрегез нинди?

– Әгәр укучы урта гому­ми белем алырга калган икән, тизрәк сайлап алу фәннәрен билгеләргә кирәк. Әзерләнү һәм БДИне бирү җиңел түгел. Әгәр 9нчы сыйныф укучы­сы үзенең потенциалына ышанмый икән, аңа мах­сус урта уку йортларына керү яхшырак булыр.