Тырыш хезмәт куялар

Район хуҗалыклары арасында терлекләргә азык запасы туплауда “Органик-групп-Чулман” идарәче компаниясе аеруча нәтиҗәле эшли.

Биредә елның-елында терлек азыгы әзерләү эше биредә оешкан төстә башланып китә. Компа­ния терлекләренә мал азыгын ел ярымлык за­пас белән хәзерләү бу­рычы куелган. Вахитов хуҗалыгының Тулбай фермасында терлек азы­гы хәзерләү бригада­сы хезмәтчәннәре җиң сызганып керешкәннәр. Компаниядә терлек азыгы хәзерләү техникасы быел ныклап ремонтланган, өч данә “Полесье-280” комбайны капиталь төзекләндерелгән һәм бу бригада әгъзалары быел­да үз көче белән кышка җитәрлек печән, сенаҗ, силос әзерләячәк. Тиздән күпьеллык үләннәрнең икенче чабымы өлгерәчәк.

Быел алар күпьеллыклардан бар­лыгы 4500 тонна яхшы сыйфатлы сенаҗ салган­нар. Тулбайда сенаҗ салу өчен берьеллык үләнне Мак-Дон комбайнына ЖВП-6,4 чапкычы белән Галимов Наил, Ришат Га­лиуллин, “Полесье-280” комбайнына КПР-9 агре­гаты белән Николай Яковлев егалар.Чапкан үләнне, бераз җилләтеп “Ягуар” комбайны белән Василий Калинин (1 нче рәсемдә), “Полесье-280” комбайны белән Әскат Әхмәтов автомашина­ларга һәм трактор арба­ларына ваклатып, турап төяп җибәрәләр.Басудан яшел масса ташуда “Ка­мАЗ” автомашинасы шо­ферлары: Хәким Зарипов, Өлфәт Фәрдиев, Зөфәр Минаев, Расил Фарра­хов, Айдар Әхмәтҗанов, МТЗ-1221 тракторында эшләүчеләр: Фәнис Гали­мов, Алмаз Бәдретдинов, Юрий Садретдинов, 5-6 километрлы басу һәм траншея арасында тиз- тиз йөреп торалар. Ә кайткан массаны тыгыз­лап тору механизаторлар К-701 тракторында Рафис Кагиров, ДТ-75 тракто­рында Сәетҗан Билалов­ка йөкләтелгән. Кайткан массаның исәбен учетчик Илдус Шәрәфетдинов (2 нче рәсемдә) алып бара һәм ул сенаҗга оеткыны да салып тора. Ул сенаж­ны үзе кыш көне малларга җибәрүдә хезмәт куя.

– Масса булганда – сенажны зур запас белән хәзерләп калу мөмкинлеген кулдан ыч­кындырмаячакбыз, – ди Чулман агрофирмасының директор урынбасары, терлек азыгы хәзерләү бу­енча җаваплы кеше Анил Гаязов.

Сенаж хәзерләүчеләр үзләренә тапшы­рылган эшне зур җаваплылык белән баш­каралар, ару-талуны белми, техникаларның көйсезләнүенә дә баш бир­ми эшлиләр. Бүгенге көндә Тулбай терлекләре өчен 2500 тонна яхшы сыйфат­лы сенаж салынган инде.

Дилфас ГАЛИЕВ