Тупачлылар Ифтар ашыннан авыз итте

Тупач авылында узган Ифтар ашы яшь буынга һәм социаль инициативаларны тормышка ашыруда ярдәм итүче “БлагоДарение” хәйрия фонды (учредителе – ТР Дәүләт Советы депутаты Ирек Салихов) тарафыннан оештырылды.

Ифтарны оештыруда һәм уздыруда фонд президенты Фәрит Салихов һәм фонд директоры Рузилә Шәймәрданова зур тырышлык куйды. Әлеге чарада авылның 70тән артык кешесе кат­нашты. Авыл халкы сора­вы буенча, Ифтар ашына Казан кунагы – Рамил хәзрәт Юнысов та чакы­рылды. Ул Коръәннән сурәләр укыды, Рамазан аеның мөһимлеге ха­кында, мөселманнарның шулай бер өстәл арты­на җыелып, бергәләп авыз ачуы аларны берләштерүен, әлеге чараның бер-береңә ка­рата сабырлык һәм их­тирамлык хисләрен бул­дыруда, үсеп килүче яшь буынны дөрес һәм толе­рантлы итеп тәрбияләүдә яхшы үрнәк булып тору­ын бәян итте.

Фонд президенты Фәрит Салихов та чы­гыш ясады, ул: “Бергәләп башкарган изге эшләр, авырлыклар каршын­да югалып калмаска, бердәмлеккә этәрә. Бер-береңә ярдәм итү, авыр чакта ярдәм кулы сузу – җәмгыятебезнең яшәеше һәм үсеше”, – дип билгеләп узды. Ул “БлагоДарение” фонды исеменнән һәр кешегә тынычлык һәм иминлек теләде.

Мәҗлескә җыйналган кунаклар авыл пешек- челәре һәм “Түбәтәй” милли татар фаст-фуд командасы әзерләгән ризыклардан авыз итте- ләр. Рамазан аенда ту­пачлыларга шушындый бәйрәм табыны оештыр­ган өчен Әгъзәм хәзрәт Ямалиев авылдашла­ры исеменнән оешты­ручыларга рәхмәтен җиткерде.

Дифиза НУРИЕВА