Ветеран сөенече

Шәһәребездә дәүләт программалары буенча төзелүче объектлар белән танышып йөргәндә, күптән түгел Гурьянов урамындагы 46 нчы йорт яныннан үтәргә туры килде.

Дүрт фатирлы йорт бу. Йорт янында өлкән яшьтәге бер әби йөри. Сөйләшеп киттек. Ту­гызынчы дистә белән баручы хезмәт ветераны Ульяна Саве­льева булып чыкты ул. Тумышы белән Чаллы якларыннан бул­са да, 1952 елдан бирле Юга­ры Юшады авылында гомер кичергән, китапханәче булып эшләгән. Ире, сугыш ветераны Петр Васильевич заманында авыл Советы секретаре булып та, район финанс бүлегендә дә, Госстрахта да эшләгән. Петр дәдәй мәрхүм инде хәзер.

Тол ветеран буларак, моннан биш ел элек шушы йорттан фа­тир биргәннәр Ульяна түтигә.

Билгеле, фатирның норма­тивтан артык өлешен үз хиса­бына түләргә туры килгән. Ир­кен, бөтен уңайлыклары булган ике бүлмәле яңа фатирга бик куанып яши башлаган, моның өчен хөкүмәт җитәкчелегенә рәхмәтле ул. Чаллыдагы кызы әледән-әле кайтып, хәлен бе­леп тора. Йорт янына күпьеллык чәчәкләр дә утыртып куйган­нар.

– Йортны тапшырганда тер­риториясен төзекләндерербез: койма белән әйләндереп алыр­быз, кара туфрак алып кайтыр­быз, йорттан чыгу юлын да, тро­туар да салырбыз, дип вәгъдә иткәннәр иде. Канализация коесын отмосткага бик якын куйганнар, безнең яктагы от­мостка ярылды, яңгыр сулары подвалга ага, канализация кое­сы да иңә бара. Фатирда кыры­гаяклар юкка йөрми торгандыр, – дип борчуын да белдергән иде ветеран. Әлбәттә, без ветеранның гозеренә колак салмый булдыра алмадык. Нәтиҗәдә урам якка койма ко­елды, автостоянка өчен калды­рылган мәйданчыкка вак таш җәелде.

Йорт янына чыгып утырып, тирә-юньдәге шәһәр тормышын күзәтергә яратучы, кыш буена җитәрлек яшелчә үстереп го­мер итеп, иркен ихаталы авыл тормышына күнеккән Ульяна түти бу юлы койма буенча шат­лыгын уртаклашты, йорт буен­ча башка проблемаларыбыз да хәл ителер әле дигән өметтә ка­лабыз, дип тә өстәде ветеран.

Ә без үзебезнең укучылары­бызга һәрвакыт ярдәм итәргә әзер.

Флүрә МУСИНА