Урам юллары ремонтлана

Бу көннәрдә Минзәлә урамнарын “Татавтодор” ААҖнең Минзәлә филиалы (җитәкчесе Марат Самигуллин) юл төзүчеләре “яулады”.

– Без башта шәһәребезнең Западная урамын­да (600 метр) эшләдек, хәзер Чернышевский урамының Җиңү Паркы каршындагы өлешендә (250), аннары К.Маркс ура­мындагы, Изыскательләр урамындагы 2/11А, 4/4 күпкатлы йортлар яны территорияләрен ас­фальтлаячакбыз, – диде безгә филиалның баш инженеры Миңнерәшит Хаҗиев.

Югарыда санап үтелгән урамнардагы юлларны асфальт-бетон өслекле урам юлларын ремонт­лау программасы буенча асфальтлыйлар, моның өчен республика бюдже­тыннан 15 млн сум бүлеп бирелгән.

Асфальт салу маши­нистлары Сергей Федо­ров, Радик Альмухаметов һәм операторлар Ильяс Шакирянов, Илдар Шари­пянов, катокта Флүр Ка­юмов, Мөнәвир Ганиев, Сергей Сизов, гудрона­тор машинисты Михаил Федоров, КДН көйләнгән КамАЗ автомашинасы шоферы Шәрип Гильмут­диновтан тыш берничә асфальт ташучы автомашина йөртүче, шулай ук Владимир Семенов, Ва­лентина Хаҗиева кебек юл эшчеләре һәрберсе үз эшләре белән мәшгуль. Менә шуларның ты­рыш хезмәте салына Минзәләнең асфальтла­нучы урам юлларына.

Район авылларында һәм шәһәрдәге урам юл­лары төзелеше (яңаларын салу, ремонтлау) берничә төрле дәүләт программа­лары буенча башкарыла. Быел Минзәлә районында җирле әһәмияткә ия бул­ган гомуми файдалану­дагы юллар төзелешенә җирле һәм республика бюджетыннан 50 миллион сум тирәсе акча каралган. Җирле әһәмияттәге гому­ми файдалану юлларында юл эшләре программасы­на Шикәрле Каен, Бикбау (Садовая урамы), Каран Азик, Тулбай авыллары кергән. Бу шушы авыллар­дагы урам юллары комлы вак таш белән норматив хәлгә китерелә дигән сүз. Моның өчен җирле бюд­жеттан 14 млн 600 мең сум акча каралган. Моннан тыш республика бюдже­тыннан бүлеп бирелгән 20 млн сумга якын акчага 2015 елда дәүләт программала­ры буенча төзелә торган объектларга керү юллары комлы вак таш белән норган. Әйтик, Яңа Маҗын, Дәвек ФАПы, Кадрәк авылында ветпункт, На­ратлы Кичү авылында күпфункцияле иҗтимагый үзәк, Иске Матвеевка авы­лында спорт мәйданчыгы, шулай ук Х.Сәлимова ура­мы, Төзүчеләр һәм Кадом­цевлар тыкрыклары, Про­летарская урамы, 1/32А, Гурьянов урамы, 46А.

Шулай ук бу көннәрдә шәһәребезнең Сугыш­чы-Интернационалист­лар урамында да юл төзелеше эшләре бара. Биредә “Алексеевскдор­строй” юл төзүчеләре эшли. Моннан тыш Уют­ная, Карлыгач, Янтарная, Головин урамнарында да юл төзелеше эшләренбашкару күздә тоты­ла. Әлеге юл төзелеше нефть районнарына өстәмә дәүләт ярдәме программасы буенча алып барыла, моның өчен 23,6 млн сум акча бүлеп бирелгән.

Флүрә МУСИНА