Озату хезмәте ярдәмгә ашыга
Гаиләгә тәрбиягә бала алырга уйладыгыз. Ә сез моңа әзерме соң? Бала алган ата-ана нәни кешенең тормышында туачак үсеш авырлыкларын җиңә алырмы?
Кешеләрне яңа рольгә ата- анасыз калган һәм гаилә урынына калган гаиләләргә ярдәм итү хезмәте әзерли, бу хезмәт 2014 ел ахырында МО һәм МРТ кануны нигезендә гамәлгә керде. Проблемалар арасында гаилә, ир һәм хатын һәм бала белән ата-ана арасындагы мөнәсәбәтләр өстенлек ала. Тәрбиягә бала алган гаиләләрдә сораулар күбрәк тә туа. Кызганычка каршы, гаиләне алыштырган ата-аналар килеп туган авырлыкларны үзлегеннән чишәргә маташа, алар ятим балалар белән үз балаларын тәрбияләү арасындагы аерма турында онытып җибәрә. Чит балаларны тәрбияләү эшендә бөтен җаваплылыкны тоеп, аның өчен яхшы ата-ана булырга тырышучы кешеләр күп түгел.
Балачак – шәхеснең фундаменталь сыйфатлары, рухи кыйммәтләр, әйләнә- тирә мохит белән гармония- ле мөнәсәбәтләр өчен нигез формалашкан чор. Әмма болар ата-ана назы, яратучы булганда гына мөмкин. Җылы мөнәсәбәтләр гаилә статусы төшү, гаилә кыйммәтләренең өстенлеге югалу белән бәйле. Шул рәвешле бала әти-әнисез кала.
Үз балалары булса да, һәрбер ата-ана да үзенең балалары белән чит балалар арасындагы аерманы аңламый, ятим баланың катлаулы холкын аңлап бетерми. Алар кайчак туу белән казна учреждениесенә тапшырылган кечкенә баланың психологик үзенчәлекләрен күзаллый алмый. Бу өлкәннәр һәм бала арасында чишелә алмаслык конфликтларга, “тупик”ка кертә, ә бу баланы яңадан кайтарып бирүгә китерә.
Бу шартларда гаиләне алыштыручы гаиләләргә комплекслы педагогик-психологик ярдәм күрсәтүче озату хезмәте белгечләре тиешле ярдәмне күрсәтә дә инде. Алар индивидуаль, төркемнәрдә консультацияләр бирә, заня- тиеләр, семинарлар, баланы яңа гаиләгә күнектерү, аларны тәрбияләү һәм белем бирү өчен тренинглар уздыра, ата-аналарга һәм тәрбияләнүчеләргә хокукый ярдәм күрсәтә, кирәк булганда бала тәрбияләнә торган гаиләләрдә көнкүреш шартларын тикшерә.
Тәрбиягә бала алырга теләгән ата-аналар мәктәбендә психология, педагогика, медицина, юридик юнәлештә дәресләр уздырыла, алар практик занятиеләр һәм тренинглар белән аралашып бара. Шундый уку курсларын узганнан соң гына кеше тәрбиягә бала алырга теләгенең ныклы булуын аңларга, белгечләр ярдәме белән үзенең физик һәм психологик мөмкинлекләрен бәяләргә, чын әти һәм әни булырга сәләтле.
сан
Районыбызда балаларны гаиләгә алучыларга ярдәм хезмәте агымдагы елның 12 гыйнварыннан эшли. Шушы чорда ике гаилә әзерләнеп, шуларның берсе гаиләгә бала алган.
Эльмира ГАЛИЕВА, социаль педагог