Интернетны эшкә җиксәң
Күптән түгел ТНС агентлыгы, республикадагы интернет-ресурсларның популярлыгын тикшерде. “Татмедиа”ның сайтлар тупланмасы анда 17 урынга чыкты. Безнекеләргә керүчеләр саны популяр интернет сайтлардан файдаланучыларның 11 проценты тәшкил итә.
Социологлар мәгълүматларына караганда, Россиядә Интернетны кулланучылар саны 69% җиткән. Ун ел эчендә көн саен Интернетка керүчеләр ун тапкыр арткан.
Россиякүләм халык фикерен өйрәнү үзәге уздырган тикшеренүдә шунысы ачыкланган: инде Интернетка тоташу өчен урыны да мөһим түгел, һәр икенче кеше бөтендөнья челтәренә планшет яки кесә телефоны ярдәмендә керә. Кешеләрне ни кызыксындыра? Күбесе җыр, кинофильм, матур әдәбият эзли. Сораштыруда катнашучыларның күпчелеге көн дәвамында кимендә бер тапкыр булса да Интернетка күз салуларын, “онлайн” булырга тырышабыз, дип әйткән. Интернетның тугры дуслары – яшьләр. Сораштыруда катнашкан яшьләрнең күбесе югары уку йортларында укыганы, югары керемле булулары ачыкланган. Интернетка өйдән генә керүчеләр саны азая. 2012 елдан челтәргә планшет ярдәмендә тоташучылар саны ун тапкыр арткан. Смартфонны эшкә җигүчеләр 15 проценттан 55 процентка җиткән.
Гисметео тирәсендә Майл.ру, ВКонтакте, Яндексларны куып тотып булмый, билгеле. Әмма, актив каралган Вести. ру, РБК рулар шактый артта калган. Интернет аудиториясе структурасын “Татмедиа”ның берләштерелгән сайтларында 40 процентын 12-64 яшьлек ир-атлар һәм хатын-кызлар бик кызыксынып карый. Өлкән яштәге ир-атлар һәм хатын-кызлар яртысыннан артыгын тәшкил итә. Бу хакта тулырак күзәтүне menzela.ru сайтында укыгыз.
Ильдус ШАГИЕВ