Медаль белән бүләкләнделәр
–“Мәхәббәт һәм тугрылык өчен” медале “Россия Федерациясендә Гаилә, мәхәббәт һәм тугрылык көнен” уздыру буенча төзелгән оештыру комитеты тарафыннан уйлап чыгарыла.
Медаль белән законлы язылышкан һәм үзара дус, тату булып, бергә 25 елдан да ким яшәмәгән, җәмгыять һәм үзләре өчен файдалы, итагатьле өч яки аннан да күбрәк балалар үстергән РФ яки чит ил гражданнары бүләкләнә. Безнең районда да Гаилә, мәхәббәт һәм тугрылык көне уңаеннан юбилярларга тантаналы рәвештә бүләкләр һәм ромашка букетлары бүләк итәләр, – ди ЗАГС бүлеге начальнигы Анна Куприянова.
2010 елда шундый медаль белән районда беренче тапкыр Илсөя һәм Васил Хабибуллиннар (Минзәлә) гаиләсе бүләкләнде. 2011 елда – Миргаләү һәм Миңлегалия Минһаҗевлар (Минзәлә), 2012 елда Бибинур һәм Мөзәккәр Вәлиевлар (Калморза), 2013 елда – Гөлзифа һәм Шәрип Фәттаховлар (Әтрәкле) бүләк- ләнделәр. Ә узган ел исә әлеге медальгә Рәйсә һәм Мирзаян Хәбибуллиннар гаиләсе (Кадрәк) лаек булды.
Бөтенроссия гаилә, мәхәббәт һәм тугрылык көне 2008 елда булдырыла. Бәйрәм итү идеясе моннан берничә ел элек Муром шәһәре кешеләрендә туа. Әлеге шәһәрдә ныклы гаилә һәм мәхәббәт үрнәге булган изге ир белән хатын Петр һәм Феврония күмелгән. Ә ромашка чәчәге исә – мәхәббәт символы булып тора. Шул ук елны Светлана Медведева җитәкләгән Бөтенроссия оештыру комитеты тарафыннан “Мәхәббәт һәм тугрылык өчен” медале булдырыла. Әлеге бәйрәмне төрле дин кешеләре билгеләп үтә, чөнки һәр халык өчен иң кадерле нәрсә – ул аның гаиләсе.
сан
Быел безнең районда яңа 63 гаилә барлыкка килгән.
Бер пар нәкъ менә бүген, 8 июль, Гаилә, мәхәббәт һәм тугрылык көнне язылыша.
Бөтенроссия гаилә, мәхәббәт һәм тугрылык көне 8 июль көнне Аю авылында уза.