Дөрес рәсмиләштерелмәгән җир кишәрлекләре учеттан төшерелә

Идел буе Арбитраж суды тарафыннан оештырылган түгәрәк өстәлдә ТРның Кадастр палатасы юридик бүлеге начальнигы Динара Хөсәенова кадастр учетына кую буенча килеп туган актуаль мәсьәләләр һәм кулланыла торган хокукларның асылы хакында чыгыш ясады.

Түгәрәк өстәл РФның җир, урман һәм шәһәр төзелеше законнарының ни рәвешле үтәлүен тикшерүгә багыш­ланды. Фикер алышу өчен күтәрелгән темаларның берсе – суд карары нигезендә гамәлдә булмаган җир кишәрлекләрен кадастр учетыннан төшерү мөмкинлеге. Моңа чаклы бу төр дәгъвалар канәгатьләндерелмәде. Юридик аргумент булып, учеттан төшерүгә нигез булмау торды.

Әгәр дә җир кишәрлеге “вакыт­лыча” статуска ия, ягъни аңа хоку­клар теркәлмәгән икән, әлеге җир кишәрлеген кадастр учетыннан төшерү өчен җир хуҗасы язган гариза да җитә, монда судның катнашуы кирәкми. Башка очракларда исә суд карар чы­гара, шул исәптән, гамәлдә булмаган, хуҗасыз милекләр өчен дә. Мондый милекләр кадастрда очраштыра. Эш шунда, кадастр төрле юллар белән тулылана: әйтик, узган гасыр ахырын­да уздырылган җир кишәрлекләрен инвентаризацияләү материаллары бу­енча, хокукка ия зат яки башка затлар гаризасы нигезендә, Бердәм дәүләт хокуклар реестры мәгълүматлары буенча. Соңгы очракта сүз – җир кишәрлегенә хокуклар кадастр уче­ты уздырылмый гына теркәлгән булу хакында бара (мисал өчен, урман кишәрлекләре). Инвентаризация ма­териаллары хаталы булган очракта да гамәлдә булмаган җир кишәрлеге базага килеп керергә мөмкин. Яки шул бер үк җир кишәрлеге ике төрле юл белән килеп кереп, базада дубль, ягъни “игезәге” дә барлыкка килә. Фактта бул­маган җир кишәрлекләре чынбарлык­та булган җир кишәрлекләрен кадастр учетына куйганда киртә була башлый. Шуңа күрә фактта булмаган җирләрне учеттан төшерү актуаль мәсьәлә булып тора. Бүгенге көндә ТР Кадастр палата­сы муниципалитетлар белән берлектә мондый участокларны ачыклау буенча эш алып баралар.

Динара Хөсәинова шулай ук ка­дастр хатасы ул – координатларны исәпләгәндә җибәрелгән хатаның доку­ментта күрсәтелүе, ә җир чикләрен һәм хокукларны бүлешү түгел дип ассы­зыклады, дип хәбәр итә ТР буенча Ка­дастр палатасының матбугат хезмәте.