Фермалар тирәсенә 8200 тонна печән кайтарып өелде.
Бу – былтыргыдан күбрәк. Әле басуларда, болыннарда чабылмаган үлән, кайтарылмаган төрелгән печән шактый. Димәк, күпьеллык үлән басуларын яңарту программасы үз нәтиҗәсен бирә башлады. Хуҗалыклар сенаж салуга да керештеләр. Печән әзерләүдә “Заиковский” өлгер булса, сенаж Вахитов бүлекчәсендә иң күп әзерләнде. Күпьеллык үләннәрне җәйге чәчү белән беррәттән бөртекле культураларны тамырдан һәм тамырдан тыш тукландыру, корткычларга каршы эшкәртү югары темпта бара.