Бәйрәме дә күркәм

Әтрәклеләрне бәйрәм белән котларга Татпотребсоюз рәисе, якташлары Мәхмүт Фаттахов, “Ак барс” холдинг компаниясе генераль директоры Илгиз Шаһиахмәтов, район башкарма комитеты җитәкчесе Илгизәр Шагалиев, район авыл хуҗалыгы һәм азык-төлек идарәсе начальнигы Юрий Исламов, башка мәртәбәле кунаклар килде.

Хуҗалык җитәкчесе Радик Фәттахов үз чыгы­шында әтрәклеләрнең сабантуйны яхшы хезмәт күрсәткечләре белән кар­шы алуына басым ясады:

– Бездә булган һәм ты­рыш халык яши. Шуңа да барлык күрсәткечләр буенча да хуҗалык рай­онда һәм республикада алдынгы урында бара. Хуҗалык авылларына ка­раган Калтакта быел ас­фальт юл салыначак, шул авылдагы фермада боза­улар торагы һәм Әтрәкле авылында башлангыч мәктәп төзеләчәк. Быел сөт җитештерүне 25 про­центка арттырдык, савым сыерларының баш санын 1 меңгә җиткерәчәкбез. Ул хуҗалыкта эшләгән һәр алдынгының исемен атап үтте.

Әтрәклеләрнең районның икътисадый үсешенә шактый өлеш кертүен Юрий Исламов та ассы­ зыклады:

– Быелгы сабантуй Әтрәкле авылында старт алды, бу хуҗалык рай­он күләмендә генә түгел, республика һәм Россия күләмендә дә яхшы уңышка ирешә. Әлеге хуҗалыкта район сыерларының 10 проценты бар, шулай бул­са да, алар районның 15 процент сөтен җитештерә. Ул район башлыгы Ай­дар Салахов исеменнән бәйрәмгә килүчеләрне кайнар тәбрикләде. Анна­ры Мәхмүт Фаттахов сүз алып, республика Пре­мьер-министр урынбаса­ры, республиканың авыл хуҗалыгы һәм азык-төлек министры Марат Әхмәтов исеменнән чын күңелдән сабантуй бәйрәме белән тәбрикләде. Аннары ул хуҗалык җитәкчесе Радик Фаттаховка һәм хуҗалыкның баш экономи­сты Альбина Нургалиевага министрның Мактау гра­мотасын һәм исемле кул сәгатьләрен тапшырды.

Илгизәр Шагалиев яхшы һәм нәтиҗәле эшләгән хуҗалык механизаторла- ры Айрат Шиһабиев, Сергей Байбатыров, Данил Ады­лев, Рамил Минһаҗевка район башлыгының Мактау кәгазен тапшырды.

Аннары игенчелектә һәм терлекчелектә юга­ры уңышларга ирешкән хезмәт алдынгылары Ра­дик Фаттахов кулыннан Мактау кәгазьләре һәм бүләкләр алдылар. Бу көнне хуҗалыкта эшләгән һәм шушы җирлектә хезмәт куйган бюджет хезмәткәрләре дә (алар барысы 100дән артык) бүләкләнделәр.

– Бәйрәм җирлекнең үзешчән сәнгать осталары әзерләгән концерт белән башланды. Күпсанлы милли мәдәниятләрне берләштергән концерт­та татар, урыс, мари телләрендә җырлар яңгырады, шул җирлектә яшәүче халыкларның биюләре башкарылды.

Мәйданда милли көрәш старт алды, кемдер кап­чык сугышы уенында, кемнәрдер (алар өч егет, шуларның берсе Татар Мөшегесе авылыннан Рүзәл Гарипов) баганага маймыл сыман йөгереп менде, кул көрәшендә, чүлмәк вату, капчык киеп йөгерү, кашыкка йомыр­ка кабып йөгерү кебек уеннардан тыш төрле конкурсларда катнаш­ты. Көрәштә Минзәлә районының абсолют ба­тыры булып Ришат Гайнет­динов, яшьләр арасында абсолют батыр булып Да­нис Гәрәев, килгән куна­клар арасында Чаллыдан Дамир Хәеров калдылар. Әтрәкле авылы сабанту­енда ат ярышында барлы­гы 24 ат катнашты, мондый күп атлы ярышның район сабантуенда да булганы юк. Ат чабышы өч кило­метрлы дистанциядә бул­ды. Ат чабышында Баш­кортостаннан килгән “Бар­ни” кушаматлы ат белән Фаил Антипов беренче килде. Икенчедә “Вал” ку­шаматлы ат белән Ринат Ханов, өченчедә “Казбек” кушаматлы ат белән Ри­шат Вәлиев, дүртенчедә “Секрет” кушаматлы ат белән Эльмир Гәрәев (алар өчесе дә Актаныш районыннан) килде.

Дилфас ГАЛИЕВ