Күптән көтелгән ремонт

Балалар сәламәтләндерү лагерьларын капиталь ремонтлау республика программасы кысаларында “Олимпиец” спорт сәламәтләндерү лагерында капремонт булды. Мондый ремонтны “Олимпиец” күптән көтте, чөнки ел саен башкарыла торган ремонт косметик характерда була иде.

Бүген иске корпуслар урынында борыстан яңа өйчекләр төзелгән. Анда пластик тәрәзәләр, тимер ишекләр урнаштырылган, электр үткәрелгән. “ШЭ Га­лиев” субподряд оешмасының прорабы Николай Григо­рьев сүзләренә караганда, борыслар пропитка белән эшкәртелгән, ә өйдәге һәм баскычтагы идәннәр лак белән капланган. – Корпуслар экологик чиста продукт – борыстан төзелгән. Биредә суларга иркен һәм җиңел, балалар­га уңайлы шартлар ошаячак. Киләсе елда шулай ук программа кысаларында лагерь территориясендә ба­лалар мәйданчыгы төзеләчәк. Алга таба ел әйләнәсе эшли торган лагерь оештырырга уйлыйбыз, – диде “Олимпиец” спорт лагеры начальнигы Ирина Михай­лова.

Бүгенге көндә территорияне төзекләндерү бара. Идарәче компания эшчеләре өйләргә бара торган юл­ларга брусчатка җәйделәр. Шулай ук лагерьның кой­масы алыштырылды. Иске тимер сетка урынына яңа, 380 метр озынлыгындагы агач койма булачак. Урамда­гы яктырткычларны да алыштырдылар, яңа баганалар һәм яктырткычлар урнаштырылды, юынгычлар һәм санузеллар да ремонтланган. “Олимпиец” лагерын капиталь ремонтлауга респу­блика бюджетыннан 4 млн 600 мең сум акча бүлеп бирелгән.

безнең өстәмә

Бу җәйдә яшь минзәләлеләр өчен дүрт шәһәр яны сәламәтләндерү лагеры эшләячәк. “Олимпи­ец” җәйге спорт лагерында 4 смена булачак. Мон­да 300 бала сәламәтлеген ныгытачак. Шәһәр яны лагеры беренче ял итүчеләр өчен ишекләрен 8 июньдә ачты. Аэроклуб территориясендә урнаш­кан “Патриотлар үстерәбез”лагеры 4 сменада 150 бала кабул итәчәк. Бер смена бер атнага сузыла­чак. “Полянка” лагерында 4 смена булачак, анда барлыгы 120 бала ял итәчәк. “Кояшкай” шәһәр яны лагерында өч сменада 250 бала ял итәчәк. Ул 15 июньдә ишекләрен ача. Шулай ук 1 июньнән мәктәп яны лагерьлары эшли башлады.

Илсөяр ХӘЕРТДИНОВА