Без һәрвакыт ярдәмгә әзер

Агымдагы елның 1 гыйнварыннан “Россия Федерациясендә гражданнарга социаль хезмәт күрсәтү нигезләре турында”гы Федераль закон гамәлгә керде. Аның масаты – Россиянең барлык территориясендә халыкка социаль хезмәтләр күрсәтүнең бердәм нормаларын кертү.

Районыбызның халыкка социаль хезмәт күрсәтү учреждениесенең дүртесе дә – картлар һәм инва­лидлар интернат-йорты, “Умырзая” тернәкләндерү үзәге, балалар һәм яшүсмерләр өчен “Тургай” приюты һәм халыкка ком­плекслы хезмәт күрсәтү үзәге – социаль хезмәтләр тәкъдим итүчеләр рее­стрына кертелде.

Узган ел район газе- тасының 31 нче октябрь санында биргән интер­вьюда мин әлеге закон социаль эшмәкәрлеккә дә юл сала дигән идем, чөнки мондый төр хезмәтләрне шәхси эшмәкәрләр дә башкара ала. Ләкин бүгенге көнгә кадәр хезмәтләр тәкъдим итү реестрына керергә бер шәхси эшмәкәр дә теләк белдермәде.

Гамәлдәге закон ниге- зендә, социаль хез- мәтләр социаль яклау бүлеге махсус эшләгән шәхси программалар нигезендә тормыш­ка ашырыла. Әлеге шәхси программалар гражданнарның гариза­сы буенча берьюлы өч елга эшләнә. Әгәр дә инде гражданнарның со­циаль хезмәтләр алу бу­енча хаҗәтләре үзгәрә икән – моны ешрак та эшләргә мөмкин. Мондый программага ия граждан республикабызның баш­ка районына күченеп китә икән, күченеп киткәнче нинди хезмәтләрдән файдаланган булса, яңа урында да шул ук хезмәтләрдән файдалана алачак.

Яңа законда язылган­ча, инвалид балалары булган гаиләләргә со­ циаль ярдәм күрсәтү бүлекчәсе инвалид ба­лаларына өйдә һәрдаим ярдәм күрсәтеп торучы гражданнарга да психо­логик ярдәм күрсәтү бу­енча хезмәтләр тәкъдим итә ала. Гаиләләргә патронажлык итү оеш­тырылды, ата-аналар белән “Акыл һәм фи­зик яктан кимчелекләре булган кешеләрне җәмгыятькә өйрәтү” программасы буенча занятиеләр үткәрелә, “Мозаика” клубы эшләп килә. Кызганычка кар­шы, һәрдаим чит кеше ярдәменә мохтаҗ бул­ган инвалид-бала­лар тәрбияләүче 16 гаиләнең 4се генә әлеге программада катнашыр­га теләк белдерде. Без исә мондый гаиләләргә үз проблемаларына гына бикләнеп ятмыйча, бүлекчә белән берлектә аларны чишәргә ча­кырабыз. Без социаль ярдәмгә мохтаҗ һәр кешегә ярдәм итәргә әзер.

сан

Гражданнарның гаризасы нигезендә, бүгенге көндә социаль яклау бүлеге тарафыннан соци­аль хезмәтләр күрсәтү буенча 643 шәхси про­грамма төзелде. Шул исәптән 88 инвалид бала­га һәм 27 өлкән яшьтәге инвалидка республика тернәкләндерү үзәкләрендә сәламәтләндерү курслары узу буенча, 166 сына өйләренә барып социаль хезмәт күрсәтелә, 52 бала “Тургай” при­ютына урнаштырылды, 66 сы – картлар һәм ин­валидлар интернат-йортында тәрбияләнүдә яки чиратта тора, социаль яктан имин булмаган 24 һәм авыр тормыш шартларына дучар булган 56 гаиләдә яшәүче 244 кешегә гаиләгә һәм балалар­га социаль ярдәм күрсәтү бүлекчәсе тарафын­нан ярдәм күрсәтелә.

Татьяна МЯСНИКОВА, социаль яклау бүлеге на­чальнигы