Соңгы кыңгырау имтиханнарны башлады
Районда 23 майда Соңгы кыңгырау бәйрәме булып узды. 86 унберенче сыйныф укучысы мәктәп белән хушлашты. Соңгы кыңгырау 264 тугызынчы сыйныфлар өчен дә яңгырады. Былтыргы тәҗрибә буенча аларның яртысы 10нчы сыйныфка бармый. Барлык чыгарылыш укучылары өчен дулкынландыргыч вакыт – БДИ һәм БРИ бирү.
25 майда сайлап алынган предметлар – география һәм рус әдәбиятеннән имтихан бирделәр. Безнең районнан географияне 2 укучы сайлаган. Алар бу предметны Яр Чаллы шәһәрендә бирделәр. Кызганычка каршы, рус әдәбиятен бер генә Минзәлә укучысы да сайламаган. Исегезгә төшерәбез, район буенча барлыгы 86 унберенче сыйныф укучысы БДИ тапшыра.
Күптән түгел татар теле буенча әзерлек дәрәҗәсен тикшерү максатыннан 261 тугызынчы сыйныф укучысы тест уздылар. 12 укучы тестны уза алмады.