Күңелләр басуга ашкынган чак

 Өстәвенә, чәчүгә төшүне атнага диярлек сузылган беренче яңгырлар тоткарлады, аннан соң якшәмбе көнне генә басуларыбызга мул итеп яңгырлар яуды.

– Без моны игенчелек өчен үзе бер хәерле билге итеп кабул итәбез, чөнки кар сулары акканнан соң тамчы да яңгыр төшмәгән елларны да күп күрдек. Шуңа күрә утырып яу­ган язгы яңгырга куанып бетә алмыйбыз. Кышны уңышлы үткәргән уҗым культуралары, күпьеллык үләннәр бераз җылыту белән үк дәррәү күтәрелеп китте. Ә чәчүне 10-12 көндә тәмамлаячакбыз, без моңа әзер, – ди хуҗалык җитәкчесе Рөстәм Исламов

Байларның 2118 гек­тар сөрүлек җирләре бар. Шуның 246 гектарын күпьеллыклар, 348 гекта­рын арыш, 350 гектарын көзге бодай, били. Быел яз көне бер атна дигәндә дым каплатуны һәм уҗымнарны, күпьеллык үләннәрне өстәмә туклан­дыруны төгәлләгәннәр. Бу эштә МТЗ-1221 трак­торында Миңнехан Каша­ев, Фәнис Бәдертдинов, Фәнис Галимов сынатма­ган. Хәзер 87 гектарлы басуга «Экадо 70» сорт­лы элиталы язгы бодай чәчәләр. Чәчүдә МТЗ-1221 тракторында Фәнис Га­лимов СЗП-3,6 чәчкече белән хезмәт куя. Аңа бу эштә Олег Лаптев, Равил Ризатдинов булыша. Ор­лыкны үзенең ГАЗ-53 ма­шинасы белән Сабирҗан Сайранов ташып тора. Хуҗалыкта кукурузны беренчеләрдән булып 67 гектарлы басуга Илья Шакиров чәчкән, ул хәзер Гөлек басуында кукуруз чәчүне тәмамлап килә. Ашарга Гөлназ Гыйльми­ева яхшы пешерә, аны басуга җитәкче Рөстәм әфәнде үзе алып килеп ашата, – ди Сабирҗан. Амбар алдыннан орлы­кларны Розалия Бадый­кова җибәреп тора, басу­да техника ватыла кал­са слесарьлар Шәфыйк Бәдертдинов, Рәис Била­ловлар тиз арада ремонт­лап та куялар икән.

Без кыр эшләре белән танышканда чәчү агрегатларының күбесе Урыс авылы басуларын иңли иде. Компаниянең икенче Куйбышев хуҗалыгында да эшләр

 кайный, биредә К-744 тракторы белән «Моррис» чәчү комплексында Хәлил Габделхаков 280 гектарлы басуда бодай чәчә, сме­на заданиесен үтәмичә кырдан кайтмыйм, – ди ул. Аңа ашламаны КамАЗ автомашинасы белән Гарифҗан Сабирҗанов китерә, китергән ашла­маны К-701 тракторы белән Рафис Кагиров Моррис чәчү комплексы­на бушата. Ә орлык белән Әлфис Рәшитов тәэмин итеп тора. Бу хуҗалыкта да язгы чәчү эшләре төгәлләнүгә бара. Монда чәчү эшләре төгәлләнгәч елдагыча Мөслим районының «Урожай» хуҗалыгына ярдәмгә ба­рырга уйлап тора Хәлил.

 Без басуда булган чакта шәхси саклау предриятие­се егетләре дә булып кит­те, алар үз чиратында аш­ламаны, дизел ягулыгын шәрәм-шәрәм итмиләрме, читкә озатмыйлармый, дип кызыксындылар. Мон­да ашламаны сату түгел, бер килосын да түгәргә ярамый, – ди Сабирҗан. Әйе чын хуҗа шулай бу­лырга тиеш.

Басулардан кайтышлый Тулбай авылының ындыр табагына сугылып чыгар­га булдым, биредә дә эш кайный. Орлык агулау­да идарәче компаниянең җитәкчесенең шоферы Илгиз Мөхәмәтшин орлык агулауда хезмәт куя, аңа бу эштә Әлфирә Зияева (фотода), Рәҗибә Гарипо­ва, Гөлзада Мөбәрәкова булышалар. Алар көче белән биредә 160 тон­на бодай, 220 тонна­дан артык арпа орлы­гы инкрустацияләнгән. Орлыкларны инкруста-цияләгәндә «Скарлетт», «Имидор Про» препарат­лары кулланалар.

Дилфас ГАЛИЕВ