Алдынгы савымчы
Иске Александровка авылы кызы Марина Федотованың яшәеше, язмышы туган төбәге белән бәйле.
Кечкенәдән әти-әни- сенең ярдәмчесе булып үсә ул. Әнисе Мария гомер буе шул хуҗалыкта сыер саугач, җәй көн- нәрендә әнисен дә алыштыргалагач, югалып калмый. Хезмәт юлын, мәктәпне тәмамлауга ук, Калморза хуҗалыгында сыер савучы буларак башлый. Күңел җылысын биреп, ихластан башкара Марина үз вазыйфаларын. Тырышлыгы, максатчанлыгы сыерлар савуда яхшы күрсәткечләргә, хезмәтенең нәтиҗәлеле- генә ирешергә ярдәм итә. Елдан-ел осталыгын арттыра барып хуҗалыкта алдынгылар сафына чыга. Узган ел ул үз төркемендәге сыерлардан барлыгы 1598 центнер сөт савып алды һәм бер сыердан 3993 килограмм сөт савып алуга иреште. Быел да ул хуҗалык буенча алдынгылыкны бирми, барлыгы дүрт айда үз төркемендәге сыерлардан 53 тоннадан артык сөт җитештерде. Хезмәттәшләренә дә игътибарлы, ярдәмчел ул.
Тормыш иптәше Виталий, шулай ук хуҗалык- тагы фермада 85 баш тана карый. Виталий да хуҗалыкта алдынгы терлекчеләрдән санала. Чувашиядән килгән егет белән алар матур гаилә корганнар, тату тормыш кичерәләр.
Гаиләләрендә өч кыз бала үсеп килә. Натальясе Минзәлә авыл хуҗалыгы техникумында укый, Мария һәм Александра Матвеевка урта мәктәбендә белем эстиләр. Дәвамчылары – аларның киләчәккә өмете, ышанычы, таянычы. Нык ихтыярлы, эш сөючән хезмәтчәнне хуҗалыкта хөрмәт итәләр. Марина белән Виталий моннан өч ел элек авылда яшьләрне тораклы итү программасы буенча яңа, иркен йорт салып керделәр. Гаиләнең нигезе үз хуҗаларына яңа бәхетләр, бәрәкәтле, имин тормыш китерсен.