Бергәлектә һәм бердәмлектә – көч

 “Президент белән бергә” иҗтимагый хәрәкәте республика, аның киләчәгенә карата битараф булмаган һәркемне берләштерүче көч булыр дип планлаштырыла.

 Хәрәкәтнең оешты­ру форумында катнаш­кан 252 кеше арасын­да Минзәләдән Аэлита Гыйльмуллина да бар иде. Ул Муса Җәлил исемендәге Минзәлә педагогия көллиятендә 5 нче курста укый. “Изге йөрәк” хәрәкәтен оештыручыларның берсе.

Аэлита Гыйльмуллина:

– Бүген мин һәм минем яшьтәшләрем президент-ка ничек булыша ала соң? Без күптәннән инде волонтерлар хәрәкәте рамкаларында өлкән ке-шеләргә төрлечә ярдәм итәбез. Быел Җиңүнең 70 еллыгы уңаеннан һәр су­гыш ветеранын шефлык­ка алдык. Без алар белән очрашып кына калмый­быз, өйләрендә, фатир­ларында төрле эшләр дә башкарабыз. Быел Татар­станыбызда парклар һәм скверлар елы дип игълан ителде. Бу факт кына да лидерыбыз Рөстәм Нур­галиевич Миннехановның матурлык өчен кайгыртуы, кешеләргә уңайлы мохит тудырырга омтылуы, гаилә белән ял итү мөмкинлеге тудыруны максат итеп ку­юны күрсәтә. Бу бит яңа тренд. Шул ук вакытта без тирә-ягыбызны чистарту, төзекләндерү өчен, респу­блика лидерының иници­ативасын тормышка ашы­ру өчен ярдәм итәчәкбез. Быел Җиңү паркында зур үзгәрешләр булачак. Аны матурлауда яшьләр һичшиксез катнашачак. Хезмәт коллективларының да читтә калмаячагы­на өметләнәбез. Уңайлы мохитне үзебез өчен туды­рачакбыз бит.

Сүз дә юк, республика-ның яшьләр оешмалары башлаган инициатива 40 җәмәгать оешмасын берләштергән зур көчкә әверелде. Казан дәүләт медицина университеты лекторы, ТР Дәүләт Со­веты депутаты Алексей Созинов фикеренчә, яңа хәрәкәтнең төп бурычы булып Рөстәм Миннеха­нов инициативасы белән әзерләнгән “Страте­гия-2030” программасында куелган өстенлекле бурыч­ларны кешеләргә аңлату, җәмәгать оешмаларының яңа проектлар өстендә эшләвенә мөмкинлекләр тудыру тора. Чыннан да, “Президент белән бергә” хәрәкәте – ул үзалларына республиканың страте­гик үсешенә ярдәм итүче кешеләр хәрәкәте. Форум Татарстанда яшәүчеләрне республикадагы програм­малар һәм инициатива­ларны тормышка ашыруда актив катнашырга чакырып Мөрәҗәгать кабул итте.

 акцент

“Сәләт” фондының башкарма директоры Тимур Сөләйманов:

“Бүген булганны саклап калу гына түгел, кешеләргә таянып үсешне дәвам итәргә кирәк. Моны бергәләп кенә эшләп була. “Пре­зидент белән бергә” хәрәкәтен оешты­ру инициативасына республиканың алда­гы үсешендә катна­шырга теләгән һәркем кушыла ала”.