Софья – суперфиналда!
“Созвездие-Йолдылык-2015” 15 нче юбилей фестивале Бөек Ватан сугышында Җиңүгә 70 ел билгесе астында уза.
“Созвездие-Йолдызлык-2015” эстрада сәнгатенең Ачык Республика телевизион яшьләр фестиваленең суперфиналында безнең районнан алдагы турларда I һәм II урыннарны яулаган Софья Лебедева һәм Фәизә Бәдриева катнаша. Район Мәдәният сарае директоры Гөлия Бәдриевадан алынган мәгълүматлар буенча, Софья Лебедева финалга узган. 17 апрельдә ул “УНИКС”та узачак гала-концертта катнашачак. Без яшь талантны чираттагы җиңүе белән котлыйбыз, киләчәк иҗатында уңышлар телибез.
Фестиваль ахырында традиция буенча ике гала-концерт – 17 апрельдә “УНИКС”та, 25 апрельдә “Пирамида” да узачак.
Фестивальнең финал этабына Татарстанның муниципаль районнарыннан, шулай ук Чиләбе, Әстерхан, Ульян өлкәләреннән, Удмуртия һәм Мари Эл республикаларыннан, Мәскәүдән 4,5 мең бала килгән.