Барыбыз өчен дә якты бәйрәм

 Христосның җәфа чигүләрен, аның дөньяны коткару бәрабәренә тәрегә кадаклануын һәм җирләнүен искә алган кайгылы атна тәмамланды.

Шимбәдән якшәмбегә каршы төндә бәйрәмнәрнең бәйрәме, тантаналарның тантанасы – Христосның яңадан терелүе – Пасха көне ургылып һәр йортка кер­де. Еврей халкы Пасханы күчү мәгънәсендә аңлата

 Иске Завет аңлатуынча, бу Мисыр коллыгыннан аш­кынып изге җиргә күчү була. Христианнар аңлатканча, үлемнән – яшәешкә, гөнаһтан – изгелеккә, караңгыдан яктыга күчү диелә. Пасха – христианнарның бөек бәйрәме һәм безнең Христоска ышануыбызның мәгънәсе ул.

Минзәләнең православие дине тарафдарлары бу бөек бәйрәмне храмнарда каршы алды, Правосла­вие чиркәве белән бергә тәре йөртүдә катнашты һәм яңадан терелгән Христоска дан җырлады. Изгеләндерү өчен алар храмга Пасха күчтәнәчләре – буялган йо­мыркалар һәм куличлар китерде. Пасханы 40 көн бәйрәм итәләр, чөнки Христос яңадан терелгәннән соң укучылары һәм апостоллар янына килгәнче шулкадәр вакыт үткән. 40 көн дәвамында диндарлар бер-берсен: “Христос терелде!” дип сәламлиләр һәм “Чыннан да терелде!” дигән җавап ишетәләр.

Протоиерей Алексий Павлов.