Югары Тәкермән авылында җомга җыены

 “Кояш гомере телим мин, Минзәләм, сиңа!” фестивале быел Югары Тәкермән җирлегендә үтте. Кунакларны тәбрикләү сүзе белән чыкканда җирлек башлыгы Алия Шәрипова “Гөлбакча” исемле паркка нигез салыначагын хәбәр итте.

 Фестивальгә килгән ку­наклар – Әзһәр Хөсәенов, Рафаил Шакирьянов ел саен көй-моңнары белән минзәләлеләрне соклан­дырып китүче Искәндәр Биктаһиров, Кирам Са­тиев һәм районның баш­карма комитет җитәкчесе Илгизәр Шагалиев, рай­он башлыгы урынбасары Фәис Вагыйзов, җирлек башлыгы Алия Шәрипова, мәктәп укучылары, Ка­заннан һәм Минзәләдән килгән күпсанлы кунаклар авылга керү юлында яңа стела ачтылар.

Ә мәдәният йортында ике сәгатьтән артык бар­ган концертта җырлар гына түгел, шигырьләр дә яңгырады.