Мал асрарга өйрәтәләр
Аю товарлыклы-сөтчелек фермасында крестьян фермер хуҗалыкларын үстерү, фермерларга ярдәм итү, аларның яшәешен һәм теләкләрен белү максатыннан семинар оештырылды.
Аның эшендә район башлыгы Айдар Салахов, Татарстан Республикасы авыл хуҗалыгы һәм азык-төлек министрының авылның социаль үсеше буенча урынбасары Марат Җаббаров катнашты. Район авыл хуҗалыгы һәм азык төлек идарәсе начальнигы Юрий Исламов, фермерларны әлеге фермада һәрвакыт эчәрлек су, азык өстәлләрен, өсте ябулы азык өстәлләрен, яшь бозауларны тәрбияләү шартлары, буаз сыерларны карау һәм малларны ашату технологиясе белән таныштырды. “Россельхозбанк” җитәкчесе фермерларга кредит бирү шартларын тәфсилләп сөйләде. Аннары алар Николаевкадагы фермада булып буаз сыерларны асрау, тәрбияләү алымнарын карадылар. Кайбер фермерлар бу семинарга килүне кирәк дип тапмаганар ахрысы. Юкса килсәләр бик күп нәрсәгә өйрәнеп китәрләр иде.
акцент
Фермерларның икътисадка йогынтысы зур. Әйтик, районның авыл җирләренең 7970 гектары КФХларга туры килә. Районда 66 фермер хуҗалыгы исәпләнә, шуларның 18е терлекчелек белән шөгыльләнә. Алар карамагында 1300 баш мөгезле эре терлек исәпләнә, шуның 325 е савым сыерлары. Бүгенге көндә КФХларның һәр баш савым сыеры көнгә 18 килограмм сөт бирә.
Дилфас ГАЛИЕВ