Сезгә ышанып калабыз...

«Бердәм Россия» партиясе рәисе Дмитрий Медведевның Татарстан Республикасында җәмәгатьчелекне кабул итү җитәкчесе буларак ТР Дәүләт Советы депутаты, ТР Дәүләт Советының социаль сәясәт буенча комитеты рәисе урынбасары Татьяна Воропаеваның Минзәләдә уздырылган кабул итүе вакытында үзләренең гозерләрен белдергән гражданнар әнә шундый теләктә калды.

 Татьяна Воропаева кабул иткән гражданнарның гозерләрен игътибар белән тыңлады, күтәрелгән проблемаларның эченә кереп аңларга тырышты. Шу­лар өстенә киңәшләрен бирде, теге яки бу мәсьәлә бу­енча кәрәзле телефон аша турыдан-туры министрлы­кларга чыкты. Кабул итүгә килгән ун минзәләле Татья­на Воропаевага 16 мәсьәлә буенча мөрәҗәгать итте, алар арасында шәхси характердагысы да, респуб-лика дәрәҗәсендә хәл итүне таләп иткәннәре дә бар иде. Очрашуда район башкарма комитеты җитәкчесе Илгизәр Шагалиев та катнашты, ул минзәләлеләр күтәргән мәсьәләләр буенча район җитәкчелеге тара­фыннан нинди эшләр башкарылуына аңлатма биреп барды.

Шәһәребезнең Балалар иҗат йорты директоры Ольга Ильина районның өстәмә белем бирү учреж­дениесе вәкиле буларак мөрәҗәгать итеп, түбәндәге гозерен җиткерде.

– Әлбәттә, без хөкүмәт тарафыннан өстәмә белем бирүгә җитәрлек дәрәҗәдә игътибар бирелүенә ми­нистрлыкка рәхмәтле. Балаларның иҗади эшчәнлеге киңәя бара, төрле грантлар да бирелә, бу яктан без канәгать. Әмма өстәмә белем бирү педагогларының хезмәт хакларына булган мөнәсәбәттән без канәгать түгел, бу мәсьәлә безнең районда бик кискен тора. Әлеге педагогларның хезмәт хакы гомуми белем бирү учреждениеләре укытучыларыныкына караганда өч тапкырга кимрәк. Хәзерге вакытта шушы юнәлештәге белгечләрнең, нигездә ир-атларның, эштән китү агы­мы күзәтелә. Нәтиҗәдә ир-атлар кулы бетә, алар күпме яшүсмерләрне иҗади эшкә тарта алган булырлар иде. Югыйсә, педагоглар грантлар да ота, узган ел гына бер педагогыбыз 50 мең сумга грант отты, – дип Балалар иҗат йортының киләчәгенә борчылуын белдерде Оль­га Владимировна.

Т.В.: – Сезнең фикерегез белән мин үзем дә килешәм, зур тәҗрибәгә ия булган педа­гогларны теләсә каян табып булмый. Мәсьәлә бик җитди, бу проблема Сезнең район буенча гына түгел. Мин моны контрольгә алачакмын.

Шәһәребездәге Изыскатель- ләр урамындагы 3/3 йортын­да яшәүче Надежда Ереме­ева оныгы белән бәйле про­блемасы турында сөйләде. 3 яшьтә генә булса да кызчыкның сәламәтлеге шәптән түгел, телендә, лимфоузелларында шеш (опухоль) бар. Әле ярый ул яман шешкә әверелмәгән. Бала белән Казан, Мәскәү хастаханәләрендә дәвалан- ганнар. Шуннан соң кечкенә Надяда бераз алга китеш күзәтелә. хәзер аңа даими дару препаратлары таләп ителә. Та­библар балага сиролимус дигән дару препараты язып биргән.

– Чит илдә җитештерелүче әлеге дару препараты бик кыйммәт, аптекаларда сатуда юк, дилерлар аша кыйммәткә төшә. Аның берсе 60 мең сум тора, ә ул исә 3 айга гына җитә. Бу препаратны киләсе елның декабрена кадәр кулланыр­га кирәк. Безнең моны алырга хәлебездән килми, – диде На­дежда Павловна, шушы дару белән тәэмин итүдә ярдәм со­рады, Сәламәтлек саклау ми­нистрлыгы бушлай бирелә тор­ган дарулар исемлегенә шушы препаратны да кертсен иде дигән теләген җиткерде.

Татьяна Васильевна баланың хәле турында сорашты, ничек ашавы белән кызыксынды. «Сезгә ничек ярдәм итү турын­да уйлаячакбыз, моның буен­ча шөгыльләнәчәкбез, минис­трлыкка хат әзерләячәкбез», дип элемтәдә торачагын әйтте.

Коррекцион интернат-мәктәп директоры Камил Нәҗмиев әлеге мәктәптә тәрбияләнүче балаларга, аларның язмышы­на кагылышлы мәсьәләләрне чишүдә ярдәм көтә. Бүгенге көндә биредә 101 бала тәрбияләнә, шуларның 26сы ятим бала. Мәгариф минис­трлыгы гомуми белем бирү буенча уку әсбаплары белән тәэмин итсә дә, технология бу­енча дәреслекләр булмавына борчылуын әйтте.

Биредә тәрбияләнүчеләр дәүләт карамагында, шуңа да мәктәп җитәкчелегенң төп бурычы – балаларны социальләштерү. Аларның һәркайсының вкладлары тупла­нып килә, әмма ул балигъ бул­гач, 18 яше тулгач кына бирелә. Шуңа күрә акчаны ничек тоту кирәклеге турында өйрәнә ал­мыйлар. Ай саен бирү турында­гы мәсьәләне хәл итеп булмас­мы, ди директор. Бу уңайдан Татьяна Воропаевада бик күп сораулар туды: Бу нинди закон буенча шулай, нинди норматив белән тыела? Опекунлык һәм попечительләр советыннан со­раштыгызмы?

Тагын бер мәсьәләне күтәрде мәктәп директоры. Мәктәпнең ял лагере бар, әмма анда ятим балалар гына ял итә ала. Югыйсә, мәктәптә тәрбияләнүче балалардан 21е күп балалы гаиләдән, 22се тулы булмаган гаиләдән, 26сы тормыш дәрәҗәсе түбән булган гаиләдән. Шуңа күрә мәктәп җитәкчелеген ата-ана­сы булган балаларның җәйге лагерьда яллары финанслан­мавы борчый. Әлеге мәктәптә тәрбияләнүчеләрне медици­на препаратлары, мәктәпне тәмамлаган ятим балаларны өс киемнәре белән тәэмин итүгә кагылышлы нормативларга да үзгәрешләр кертергә кирәклеге әйтелде. Быел әлеге коррекци­он мәктәпне 15 бала тәмамлый, шуларның 7се ятим. Һөнәр ал ган ятим балаларны эшкә ур­наштыру мәсьәләсе авыр бу­луы, һөнәрләре буенча теге яки бу предприятиедә эштә калды­ру мәсьәләсен законлаштыру турындагы гозерен җиткерде директор.

“Юность” Боз сарае коллек­тивы хезмәткәрләре суыткыч җайланманың конденсаторын алмаштыруга бәйле проблема­ларын хәл итүдә ярдәм сорады­лар.

Яшь ана Оксана Шәйхрази- ева районга тиешле таләпләргә туры килүче балалар поликли­никасы таләп ителүе турында борчылуын белдерде:

– Мин ике бала анасы, хәзер декрет ялында, кечкенә бала­бызга 10 ай. Хәзерге вакыт­та балалар консультациясе район үзәк хастаханәсе би­насында урнашкан. Андагы шартлар СанПиН таләпләренә бөтенләй туры килми: тар ко­ридор, һава җитми, балалар күп. Табибка килгән сәламәт балаларга авыру балалар белән очрашырга туры килә. Бер кабинетта өчәр табиб ка­бул итә, дип шәһәрдә балалар поликлинкасы төзү мөһимлеген күтәрде. Бу мәсьәлә буенча район җитәкчелеге тарафын­нан проект әзерләнгән, респу­блика җитәкчелеге хәбәрдар, ата-аналар әлеге проблеманың тизрәк хәл ителүен көтә.

Т.В.: – Әгәр узган елгы халык җыенында кузгатылган булса, әлеге мәсьәләнең хәл ителүен тизләтергә мөмкин.

Кабул итүгә керүчеләр ара­сында район әһәмиятендәге тагын берничә проблеманы хәл итүдә ярдәм көтеп калды минзәләлеләр. Гүзәл Игнатье­ва шәһәрдәге иске балалар бак­чалары урынына яңа балалар бакчасы, икенче урта мәктәп директоры Рөстәм Ялалов Садак бистәсендә яңа типовой мәктәп төзү кирәклеге турында­гы мәсьәләне күтәрделәр.

Берничә елдан бирле минзәләлеләрне борчыган мәсьәлә – шәһәребезнең Садак бистәсендә җир участоклары чикләрен киңәйтү мәсьәләсе чишелеш көтә. Әлеге проб- лема банкротка чыккан «Ва­мин» белән бәйле, ә җирләр банкларда залогта (97 га «Зе­нит» банкында, 134 га җир «Ак Барс»та). Район башкарма комитеты җитәкчесе урынба­сары Вәсил Гыйләҗетдинов белән районның баш архи­текторы Илсөя Гатина Татьяна Воропаевадан әлеге «төен»не чишүдә ярдәм итүен сорады­лар, шулай ук шәһәр төзелеше документацияләрен (генплан, территорияләрне планлашты­ру проектлары) проектлашты­ру буенча чыгымнарны җирле бюджетның исәпләүләр статья­сына кертү кирәклеге турында­гы үтенечләрен белдерделәр, Дусай Кичү, Филимоновка авылларына кадәрге автоюл­лар төзелешенә кагылышлы проблеманы күтәрделәр.

безнең өстәмә

Гражданнарны кабул итү тәмамлангач, Татьяна Воропаева Минзәләдәге очрашу хакында фикерләре белән уртаклашты:

– Миңа ТР Дәүләт Советы депутаты буларак шундый кабул итүләр оештыру буенча поручение бирелде. Без РФ Дәүләт Ду­масы депутаты ярдәмчесе Евгений Устин белән республикадагы 32 районда булдык инде. Бүгенге очрашу миңа бик ошады, ярдәм сорап мөрәҗәгать итүчеләр бик җитди мәсьәләләр күтәреп, кон­структив тәкъдимнәр керттеләр. Бер генә мөрәҗәгать тә игъти­барсыз калмаячак, барысын да өйрәнеп, кулдан килгәнчә хәл итәргә тырышачакмын.