Минзәләнең үсеш нокталары

Районның икътисадый яктан тотрыклы булуында һәм социаль яктан үсешендә дәүләт программаларыннан тыш, инвестицион проектлар да зур роль уйный. Район башкарма комитеты җитәкчесе Илгизәр Шагалиев белән әңгәмәбез шулар хакында.

 – Илгизәр Тимерханович, рай­оныбызда нинди инвестицион проектлар тормышка ашырыла­чак?

– Районның перспективасы «үсеш нокталарын” дөрес билгеләвебезгә бәйле. Шуларның берсе – М-7 федераль трассасында сервис хезмәтләре комплексын булдыру. Эшмәкәрләр – аталы-уллы Юдиннар тарафыннан булдырылачак хезмәт күрсәтү комплексында бүгенге көндә заправка, кунакханә, ресто­раны белән кафе эшли, моннан тыш шәхси хуҗалыкларда һәм фермер хуҗалыгында җитештерелгән авыл хуҗалыгы продукцияләре сату өчен сәүдә павильоннары урнаштырыла­чак. Юдиннар сарык асрау, бозау- лар симертү, буада балык үрчетү, бакча җимешләре үстерүләрен дә дәвам итәчәкләр. Әлеге федераль трассаның Юртау бистәсе янында Александр Самойлов та, 8 гектар җир алып, сәүдә павильоннары ур­наштырырга, моңа ул 5 млн сум ин­вестиция кертергә планлаштыра.

Коноваловка янында «Камский Бе­кон» ҖЧҖнең дуңгызчылык комплек­сы төзелеше буенча проект биредә бер ел эчендә 50 мең тонна дуңгыз

 ите җитештерүгә исәпләнә.

Хәзерге ситуация авыл хуҗалыгы продукциясе җитештерүне киңәй- тергә этәрә. Моңа эшмәкәр Рәүф Хабиевне мисал итеп китерергә була. Ул трассадан ерак түгел, Хо­лодный Ключ авылында, уңышлы гына бизнес белән шөгыльләнеп килә. «Заиковский» хуҗалыгы да (җитәкчесе Радик Фәттахов) тотры­клы эшләп, елдан ел җитештерүне һәм эш урыннарын арттыра бара. Кредит алып, үз хисабына 10 млн сумга сугым цехы ачып җибәргән, моннан тыш мал симертүгә исәп тоткан Илгиз Загиевнең эшчәнлеге игътибарга лаек. Игем якларын­дагы утрауда Фоат Комаров үз эшчәнлеген башлап җибәрде.

Яр Чаллыдан 11 км ераклыкта, федераль трассага тоташучы 23 гектар мәйданда, промышленность мәйданы булдырылган. Хуҗәмәт РМЗсының федераль трассага якын урнашуы шулай ук аның һәм аның янәшәсендәге территориядә промышленность зонасы булды­ру мөмкинлеге бирә. Полимерны кабат эшкәртү буенча 15 миллион сумнан артык инвестицияләр са­лынган ике проект планлаштыры­ла. Әлеге проект нәтиҗәсендә 100 миллион сумлык еллык керем алу күздә тотыла, 50 кеше эш урынына ия булачак.

Шәһәребездәге Изыскатель сәүдә-җитештерү фирмасының эшчәнлеге дә киңәя бара. Биредә елына 122,5 млн сумлык продук­ция җитештерелә. (Рәсемдә цехта эш процессы). Шифалы судан тыш, биредә барлыгы 36 төрдәге продук­ция җитештерелә. Кризис шартларында рейтеллер­лар өчен шәхси сәүдә мар­касы астында продукция чыгара башладылар. Яңа төр линияне сафка басты­ру өчен җиһазлар кайта­рылды, аларны көйләп, эшләтеп җибәрүгә тагын 15 миллион сум акча кер­телде. Быел бу линия җәйге сезонда эшли башлаячак.

– Минзәлә күзгә күренеп яңара, үсә бара. Быелгы планнар зур­данмы?

– Районыбызда 30га якын феде­раль һәм республика программала­ры тормышка ашырылып килә. Узган ел районда 367 млн сумнан күбрәк төзелеш эшләре башкарылды, быел социаль әһәмияттәге объектлар төзелеше һәм ремонты өчен 330 млн сумга якын акча бүлеп бирелде. Әмма бу соңгы сан түгел, чөнки программа­лар буенча төзелешләр күләме арта бара һәм районга тагын 20-30 млн сум акча бүлеп бирелер дип көтәбез.

 Россиядә икътисадый шартларның гади булмавына карамастан, ТР лидеры Рөстәм Миңнехановның стратегиясе республикага инвестицияләр җәлеп итә. Ышанычлы партнер буларак, инвесторлар Татарстанга һәм аның лидерына ышаналар. Хәтта кризиста да Татарстанда яңа производстволар ачылып тора.