Энҗе Гермагентова – җиңүче

Туган якны өйрәнү музеенда өченче тапкыр “Иң зирәкләр” (“Умники и умницы”) интеллектуаль уены үтте.

Анда районның 7-11 нче сый­ныф укучылары катнашты. Аның нигезе итеп Россиянең Беренче каналында бара тор­ган телевизион викторинаның сценарие алынды. Җиңүнең 70 еллыгы уенның тема­сы – “Якташларыбыз – Со­ветлар Союзы Геройлары”. Җиңү өчен 22 укучы көрәште. Күпләр тема буенча яхшы гына нәтиҗәләр күрсәтте. “Дорожка”ларга басар ал­дыннан балалар сорауларга җавап бирделәр, шулай итеп орденнар яуладылар. Күбрәк орден алучы “дорожка”ларга басты. Алар өчен сораулар тагы да катлаулырак бул­ды. Бу уенда Хуҗәмәт урта мәктәбеннән Энҗе Гермаген­това җиңүче булды.

“Зирәкләр” уенының фина­лы апрельдә була, анда Айгөл Харисова (Хуҗәмәт), Валерия Кальскова (3 нче урта мәктәп), Энҗе Гермагентова (Хуҗәмәт) катнашачак.