Кайда да өлгерә

 Нурлыбаян Гайнетдинов — районыбызның җаваплылыгы чикләнгән “Мензелинские зори” агрофирмасының “Калморза” хуҗалыгы йөген төптән җигелеп тартучыларның берсе.

Киң профильле меха­низатор монда биш ел тракторда эшли. Башлы­ча, туфрак эшкәртү, чәчү, ә кышын фермаларда мөгезле эре терлекләрне ашату белән мәшгуль – кыскасы, кая да өлгерә, кайда да булдыра. Хуҗалык җитәкчелеге аңа зур ышаныч баглый.

– Өченче ел өр-яңа “МТЗ” тракторы сатып ал­гач, аны кемгә тапшыру турында бәхәс тумады, барыбыз да, Нурлыбаян­га, дидек. Бердән, техни­каны ярата, димәк, яңа трактор өчен борчыласы түгел, икенчедән, һәр эшне җиренә җиткереп башкара, — дип мак­тап телгә ала алдынгы тракторчыны хуҗалык җитәкчесе Илфак Гуме­ров.

Барлык кыр эшләрендә ул алдан йөри, чәчүлекләрне тәрбияләүдә, минераль ашла­

 ма ташуда, малларны ашатуда алыштыргысыз була. Әле ул ДТ-75 трак­торына утырып сенаж- силос массасын таптату­да да сынатмаган. Узган ел район алдынгылары хөрмәтенә оештырылган бәйрәмдә Чаллы КХПсы генераль директоры Ал­маз Шәрипов аңа Мактау кәгазе тапшырды һәм махсус бүләк бирде.

Авыл кешесенә үз йор­тында да тынгы юк. Иха­та тулы мал-туар, кош- корт. Кышка җитәрлек азык туплау, йорт-кураны тәртиптә тоту — бер эш тә ир-атсыз бармый. Ул тормыш иптәше Альмира белән бер ул һәм бер кыз тәрбияләп үстерде. Лан­дыш һәм Ринаты Чаллы шәһәрендә хезмәт куя­лар.

– Тынгы безгә, җырда- гыча, төштә генә инде ул! – дип елмая бәхетен эштә тапкан тракторчы. Бүген аның “фронты” – ферма­да. Мал азыгы ташу, тирес түгү кебек мәшәкатьләр белән көн сизелми дә үтә. Ул быелгы кышлату чорында да хуҗалыктагы 600 баш терлекне аша­ту белән мәшгуль, ягъни “ДеЛаВаль” азык тараткы­чы белән малларны туен­дыра. Аңа эштә Марсель Әхмәтов ярдәм итә.

Дилфас ГАЛИЕВ