Ризык сатып алганда ялгышма

Кибет киштәләре күптөрле продуктлар белән шыплап тулган. Шулар арасыннан файдалы һәм сыйфатлы ризыкларны сайлап алу өчен кулланучыга бик тә игътибарлы булырга кирәк. Гадәттә, чит регионнардан кертелгән продуктларда теге яки бу кимчелекләр табыла, ә җитештерүчедән кибеткә кадәр кыска юл үткән продуктлар күпкә сыйфатлырак.

Дәүләт алкоголь инспекциясенең Яр Чаллы тер­риториаль контроль-инспекция бүлеге начальнигы Наталья Кукушкина авыл җирлекләре башлыклары, шәхси эшмәкәрләр, кибет хуҗалары каршында ясаган чыгышында инспекция төп игътибарын туклану про­дуктларына карата булган мәҗбүри таләпләрнең ни рәвешле үтәлүенә юнәлдерүен әйтеп узды. Узган ел Минзәлә районы кулланучыларыннан кергән 241 гари­за тикшерелгән. Бәхәсле очраклар булганда, судка ба­рып җитми генә, 174 мең сум акча кулланучыларга кире кайтарылган. Кулланылу вакыты чыккан товар сату бу­енча 34 очрак теркәлгән, 42,1 мең сумлык сыйфатсыз товар юк ителгән.

Узган ел район буенча 1826,3 литр алкоголь һәм соста­вында спирт булган продукция кулланылыштан алын­ган, шуларның 1799 литры Казахстанда җитештерелгән алкоголь продукциясе. Әлеге төр продукция техник спирты түбән дәрәҗәдә чистартылу белән генә түгел, ә анда күп микъдарда синтетик ароматизаторлар, бу­ягычлар һәм башка кушылмалар булу белән дә кеше организмы өчен куркыныч тудыра. Алкоголь продукци­ясен ваклап сатуда хокук бозган өчен район буенча го­муми суммасы 9 мең сумлык штраф салынган, шуның 3 меңе түләнгән.

Минзәлә районы буенча алкоголь продукциясен ва­клап сатуга 27 оешманың лицензиясе бар, 108 ноктада бу төр продукция белән сәүдә итәләр. Узган ел 39,4 мең дал алкоголь продукциясе сатылган, 2013 ел белән ча­гыштырганда 95 процент­ны тәшкил итә.

Мәктәп укучылары ара­сында кулланучыларның хокуклары буенча респу­блика олимпиадасы уза. Узган ел әлеге олимпиа­дада 676 укучы катнашкан. Җиңүчеләргә инспекция тарафыннан кыйммәтле бүләкләр тапшырыл­ган. Кызганычка каршы, Минзәлә районы буенча бу олимпиадада катна­шырга теләк белдерүче булмаган.

сан

Узган ел шарт­лы рәвештә һәр минзәләлегә 13,5 литр алкоголь про­дукциясе сатылган (2013 елда – 14,1 литр). Чагыштыру өчен Казанда бу сан – 17,6 , респуб- лика буенча – 15,2 литр.

сүз уңаенда

Хөрмәтле кулланучылар, әгәр дә сез теге яки бу товар алганда кулланучы буларак хокуклары­гыз бозылган дип уйлыйсыз яки нинди дә булса сорау-тәкъдимнәрегез бар икән, түбәндәге “кай­нар линия” телефоннарына шалтырата аласыз: 8(8552) 71-43-03 (Чаллы), 3-20-51 (Минзәлә).