Рөстәм һәм аның командасы

Яңа ел алдыннан Мензеля.ру сайтында безнең футболчыларның Болгар шәһәрендә үткән кечкенә шәһәрләр (район буйсынуындагы) һәм авыл районнары командалары арасында мини-футбол буенча ТР кубогында өченче урынны алулары хакында хәбәр иткән идек.

Безнең команда өчен кемнәр катнашты? Кемнәрне җиңделәр? Нигә от­тырдылар? Мондый сора­улар бик күп булды. Соңга калып булса да җавап бирәбез.

Рөстәм Саранов һәм аның командасының бүгенге көндә Татарстан күләмендә призлы урынга чыгуы зур казаныш. Шуңа райондашлар Минзәлә өчен кемнәр тартыш­канын белеп торырга тиешләр. Футболны һәм Минзәләне яратуларын күрсәтү өчен ике факт: районның спорт бүлеге финанс белән ярдәм итте, егетләр Болгарга үз ма­шиналары белән барды­лар. Егетләрнең күбесе эш урыннарыннан сорап киттеләр. Артур Асанов, Александр Буранов, Ро­ман Рубцов, Виталий Ша­гиев (бер гол кертте), Вик­тор Грибков, Роман Фар­хутдинов, Дамир Ишмура­тов, Евгений Ларин, (бер гол), Рамил Хаматханов (өч гол), Рөстәм Саранов (бер гол). Капкачыларның көчле булуы да призлы урынга чыгуга ярдәм итте: Владислав Архипов, Муса Исхаков.

13 команда өч төркемгә бүленеп көч сынашты. Футболның кайда бар икәнен белер өчен рай­оннар: Мамадыш, Ак­субай, Балык Бистәсе, Әлки, Саба, Болгар, Лениногорск, Биектау, Кукмарадан икәү, Урыс­су, Лаеш. Безнекеләр үз төркемнәрендә беренче булдылар. Ярымфиналда Урыссудан бер фермер тоткан (финанслаган) ко­манда җиңелгәч, өченче урын өчен, шулай ук көчле булган Биектау футбол­чылар бирелдерделәр.

Кубок “Татмедиа”ның Минзәлә филиалы ди­ректоры бүлмәсендә. Егетләр шулай итеп безнең коллективның рай­онда футболны үстерүгә керткән өлешебезне бәяләделәр. Рәхмәт аларга.

Илдус ШАҺИЕВ