18 сумнан ким була алмый
Халыктан сөт җыючылар бүгенге көндә сөт тапшыручыларга килограммын 15 сумнан артык түләргә ашыкмыйлар. Иске Маҗын авыл җирлеге башлыгы Николай Пермяков сүзләренә караганда, сөтне 15 сумга җыялар. Яңа Маҗын авыл җирлеге фермерларына да сөт тапшырган өчен килограммына 18 сумнан түлиләр. Шәхси эшмәкәр КФХ “Салихов”, “Казанцев” КФХсы сөтләрен Мөслим эшмәкәренә тапшыра. КФХ “Салихов” көн саен ярты тонна сөт тапшыра, ул тапшырган сөтнең майлылыгы да югары, хәтта 4,8 процент килә. Яңа Маҗын фермерлары 700 килограмм сөт тапшыралар. Сөт кабул итү предприятиеләрендә бер литр сөт өчен минималь бәя – 20 сумнан (НДС белән) ким түгел. Шуңа халыктан сөт җыючылар бәяне 18 сумнан да түбән куймасыннар иде дигән фикерне җиткерде, чираттагы видеокиңәшмәдә Татарстан Республикасының премьер-министр урынбасары, авыл хуҗалыгы һәм азык-төлек министры Марат Әхмәтов.