Штаб тренировкасына әзерләнәбез
12 февральдә районда гражданлык оборонасы буенча штаб тренировкасы үткәреләчәк. Ул ТРның гражданлык оборонасы торышы, гадәттән тыш хәлләрне кисәтү һәм ликвидацияләү, кешеләр куркынычсызлыгын тәэмин итү буенча республиканың төп чаралар планы нигезендә, районда гражданлык оборонасы буенча чараларга әзерлекне бәяләү максатыннан оештырыла.
Флүрә МУСИНА
Мондый күнекмәләрнең мөһимлеген ТР буенча Гадәттән тыш хәлләр министрлыгы Баш идарәсенең гражданлык оборонасы өлкәсендә полномочийларны тормышка ашыру бүлеге начальнигы Наил Гәрәев аңлатты. Район башлыгы Айдар Салаховның (ул районда ГО җитәкчесе дә) карары буенча штаб тренировкасына әзерлек буенча чаралар күрелә.
Аны планлаштыру эше белән кабул итү-эвакуация комиссиясе (җитәкчесе Елена Сысоева) шөгыльләнә. Эвакуацияләнүчеләрне кабул итү комиссиясенең составы ачыкланды, комиссия әгъзалары тарафыннан функциональ бурычларны өйрәнү буенча инструктив занятие үткәрелде.
Наил Гәрәев, ТР буенча МЧСның гражданлык оборонасы буенча вәкиле:
– Җирле үзидарә органна- рының халыкны гадәттән тыш хәлләрдән саклау чараларынан үткәрүгә җентекләп әзерләнүенең мөһимлеге бәхәссез. Алда булачак штаб тренировкасы район үзидарә органнарына гражданлык оборонасы буенча алынган белемнәрен практикада ныгытырга мөмкинлек бирә, дип уйлыйбыз. Гадәттән тыш хәлләрне алдан күрү һәм кисәтүгә, көтелгән зыянны ничек киметүгә ирешүне, нинди чаралар кешеләрнең тормышын саклап калуга ярдәм итүен һәрбер җитәкче белеп торырга тиеш. Алган белемнәрне һәм күнекмәләрне район кешеләренә чынбарлыкта кулланырга туры килмәсен, әлбәттә, әмма без барысына да әзер булып торырга тиеш.
куркынычсызлык
Гражданлык оборонасы – ул халыкны, матди һәм мәдәни байлыкларны хәрби хәрәкәтләр кертелгәндә килеп туган хәвеф-хәтәрдән саклауга әзерләнү буенча чаралар системасы. Бу өйрәнүләрдә редакция дә катнашачак. Безнең бурыч – хәбәрне тиз арада минзәләлеләргә җиткерү. Шуңа күрә menzela.ru сайтына күз салгаларга онытмагыз. Радиоларыгызны 107,3 каналына көйләп куегыз. Хәбәр аның аша да киләчәк.
безнең өстәмә
Комплекслы тикшерү барышында гадәттән тыш хәлләр килеп чыгу куркынычы янавы турында халыкка кичекмәстән хәбәр җиткерү, шулай ук эвакуация чараларының үтәлеше, райондагы эвакуация органнарының (кабул итү комиссияләре һәм пунктлары) идарә итү сәләте һ.б.лар каралачак.
Штаб күнекмәсе барышында эвакуация-кабул итү комиссиясе (ЭПК) һәм эвакуацияләнүчеләрне кабул итү пункты (ПЭП) җитәкчеләре белән инструктаж уздырылачак. Шул ук вакытта гражданлык оборонасы хезмәтләренең эвакуация чараларын оештыруга хәзерлекләре турындагы документлары өйрәнеләчәк. Моннан тыш эвакуацияләнүчеләрне каршылау, хисапларын алу, аларны эвакопунктларга озатуны оештыру һ.б. мәсьәләләр каралачак. Тренировканың барышына ТР МЧСы вәкилләре күзәтчелек итәчәк.