Бүләкләре – чын күңелдән
Район Советы депутатлары Равил Миңнехуҗин һәм Александр Леванов район күләмендә үткән төрле мәдәни чараларга финанс ярдәме күрсәтү белән беррәттән, шәфкатьлелек акияләрендә дә бик теләп һәм чын күңелдән катнаштылар.
Елдагыча Яңа ел бәйрәмнәре алдыннан берничә учреждениедә шәфкатьлелек мизгелләре бүләк иттеләр.
Өлкәннәр йортында “Умырзая” сәламәтләндерү үзәгендә, “Тургай” приютында булып, хезмәткәрләр, балалар, өлкәннәр белән очрашып, аралашып алуга бәйрәм алдыннан күңел күтәренкелеге өстәделәр, мулдан алып килгән бүләкләрен өләштеләр.
* * *
Иркәнәш авыл җирлегеннән сайланган район Советы депутаты Равил Миңнехуҗин һәрвакыт үз җирлеге балаларын да кайгырта. Ул бу юлы да Иркәнәш гомумбелем бирү мәктәбенә балалар өчен Яңа елны каршылау бәйрәмен уздыру өчен материаль ярдәм күрсәтте. Депутат биргән акчага мәктәптә төрле номинациядә җиңүче балалар бүләкләнде, алар рәхәтләнеп күңел ачтылар.
* * *
Кадрәк авыл җирлегеннән сайланган депутат Муса Хәбибуллин үз авылдашларын да онытмый, аларның сәламәтлекләре турында кайгырта, булдыра алганча ярдәм итәргә тырыша. Әле шушы араларда гына ул Җәмәккә Минзәлә хастаханәсе табибларын алып килеп авылдашларына медицина тикшерү үткәрттерде